पुणे : 'कोरोना' काळात शाळांनी शुल्क वसुली करू नये म्हणून पालक आंदोलन करत आहेत. मात्र, आता पैसे नसल्यामुळे आम्हाला शाळा सुरू ठेवणे शक्‍य नाही, शिक्षकांचे पगार, कर्जाचे हप्तेही फेडणे अशक्‍य झाले असे सांगत पुणे आणि पिंपरी-चिंचवड मधील चौदाशे शाळांनी मंगळवारपासून (ता. 15) तीन दिवस ऑनलाइन शिक्षण बंद करून आंदोलन करण्याचे जाहीर केले आहे. राज्य सरकारने याकडे लक्ष वेधण्यासाठी हे आंदोलन करत असल्याचे फेडरेशन ऑफ स्कूल्स असोसिएशन ऑफ महाराष्ट्र या संघटनेने पत्रकार परिषदेत स्पष्ट केले.

- पुणे विद्यापीठात 'स्कूल सिस्टिम'; आता तुमच्या आवडीचा विषय शिकता येणार

ऑनलाइन शाळा सुरू झाल्यापासून शुल्क वसुलीचा मुद्दा ज्वलंत झाला आहे. प्रत्यक्षात शाळा नसताना देखील शाळा सरसकट शुल्क मागत आहेत, शुल्क न भरल्याने ऑनलाइन शिक्षण बंद केले अशा तक्रारी शिक्षण विभागाकडे करण्यात आल्या आहेत. त्यावर शिक्षण विभागाने "कोरोना'मुळे अनेक पालकांचे रोजगार गेल्याने शाळांनी शुल्क वसुलीसाठी तगादा लावू नये,असे परिपत्रक काढले आहे. याबाबत आज फेडरेशन ऑफ स्कूल्स असोसिएशन ऑफ महाराष्ट्र संघटनेने पत्रकार परिषदेत भूमिका स्पष्ट करत केली. यावेळी अध्यक्ष राजेंद्र सिंह, कार्याध्यक्ष जागृती धर्माधिकारी सचिव ओम शर्मा, मिलिंद घाडगे आदी उपस्थित होते.

- शेतकऱ्यांनंतर आता रिक्षाचालकांची बंदची हाक; सूर्योदय ते सूर्यास्त करणार उपोषण​

राजेंद्र सिंह म्हणाले, स्कूलबस, जेवण, कॉम्प्युटर लॅब, जिमखाना आदी सुविधांचे शुल्क आम्ही यावर्षी घेतले नाही. कमी केलेले शुल्क भरण्यासाठी पालकांना त्यांच्या सोईनुसार हप्ते भरण्याची मुभा दिली. आत्तापर्यंत केवळ 30 टक्के पालकांनी शुल्क भरले आहे. 50 टक्के पालकांनी शुल्क भरलेले नाही. तर 20 टक्के पालकांनी शुल्क भरण्याबाबत अडचण असल्याचे शाळांना कळवले आहे. अनेक पालकांची शुल्क भरण्याची क्षमता असून देखील त्यांनी शुल्क भरले नाही, असा आरोप सिंह यांनी केला.

- Maratha Reservation: मराठा समाजाला OBC कोट्यातून आरक्षण द्या; संभाजी ब्रिगेडची मागणी​

ज्या पालकांनी शुल्क भरले आहे त्यावर शिक्षकांचे पगार, शाळेच्या जागेचे भाडे, बॅंकेचे हप्ते देणे शक्‍य नाही. त्यामुळे शाळांना ऑनलाइन शिक्षणही बंद करावे लागणार आहे. शासनाने यातून तोडगा काढून दिलासा द्यावा या मागणीसाठी व पालकांनी शाळांची बाजू समजून घ्यावी; याकडे लक्ष वेधण्यासाठी 15 ते 17 डिसेंबर दरम्यान ऑनलाइन शाळा बंद ठेवून आंदोलन केले जाणार आहे, असे सिंह यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)