पुणे : पुणे विभागातील १७ लाख २८ हजार ६६२ नागरिकांनी आतापर्यंत कोरोनावर विजय मिळवला आहे. कोरोनामुक्त होणाऱ्यांमध्ये सर्वाधिक १० लाख ४५ हजार ९०५ नागरिक हे पुणे जिल्ह्यातील आहेत. मागील सव्वा वर्षातील ही स्थिती आहे. विभागीय आयुक्त कार्यालयाकडून प्रसिद्ध करण्यात आलेल्या अहवालात ही आकडेवारी नमूद करण्यात आली आहे.
राज्यातील पहिला कोरोना रुग्ण ९ मार्च २०२० रोजी पुणे शहरात सापडला होता. तेव्हापासून आजपर्यंत पुणे जिल्ह्यात १० लाख ७४ हजार ७६७ जण कोरोनाबाधित झाले आहेत. विभागातील बाधितांची संख्या ही १८ लाख ९ हजार ९९० इतकी आहे.
दरम्यान, विभागातील ३७ हजार ३६९ जणांचा आतापर्यंत कोरोनाने मृत्यू झाला आहे. एकूण मृत्यूमध्ये पुणे जिल्ह्यातील सर्वाधिक १८ हजार ९२ मृत्यू आहेत. कोल्हापूर जिल्ह्यातील ५ हजार २६४, सातारा जिल्ह्यातील ५ हजार ८८, सोलापूर जिल्ह्यातील ४ हजार ४९२ आणि सांगली जिल्ह्यातील ४ हजार ४३३ जणांचा मृत्यू झाला आहे.
सद्यःस्थितीत पुणे विभागात एकूण ४३ हजार ९५९ सक्रिय (ॲक्टिव्ह) कोरोना रुग्ण आहेत. विभागात सर्वाधिक १३ हजार १७९ सक्रिय रुग्ण हे कोल्हापूर जिल्ह्यात तर, सर्वात कमी ३ हजार २५४ रुग्ण सोलापूर जिल्ह्यात आहेत. सांगली जिल्ह्यात १० हजार ३२८, पुणे जिल्ह्यात ९ हजार ३३९ आणि सातारा जिल्ह्यात ७ हजार ८५९ सक्रिय कोरोना रुग्ण आहेत.
- पुणे --- १० लाख ४५ हजार ९०५
- सातारा --- १ लाख ९६ हजार ९४५
- सोलापूर --- १ लाख ६३ हजार ७३१
- सांगली --- १ लाख ५१ हजार ६०२
- कोल्हापूर --- १ लाख ७० हजार ४७९
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.