लोणी काळभोर : हवेली पंचायत समितीचे आरोग्य अधिकारी डॉ. सचिन खरात मागील काही दिवसांपासून जंतुससंर्गाने (viral infection) हैरान असतानाच, त्यांच्या कार्यालयालयामधील दहापैकी दोन कर्मचारी सोमवारी (ता. २०) कोरोनाबाधित असल्याचे आढळून आले. त्यानंतर उर्वरीत आठ जणांना होम क्वारंटाईन करण्यात आले. कॅप्टनसह दोन कर्मचारी आजारी पडल्याने, हवेली पंचायत समितीच्या आरोग्य विभागाचे कार्यालय काही दिवस बंद करण्याची वेळ आरोग्य विभागावर आली आहे. 

ताज्या बातम्यांसाठी डाऊनलोड करा ई-सकाळचे ऍप   

आरोग्य अधिकारी डॉ. सचिन खरात यांनी आपण स्वतः मागील काही दिवसांपासून जंतुससंर्गाने (viral infection) आजारी असून, कार्यालयीन कामकाज घरुनच चालू ठेवले असल्याची माहिती 'सकाळ'शी बोलताना दिली. 

पुण्याच्या बातम्या वाचण्यासाठी येथे ► क्लिक करा

याबाबत अधिक माहिती देताना डॉ. खरात म्हणाले, हवेली पंचायत समितीच्या आरोग्य विभागाच्या कार्यालयात दहा कर्मचारी असून, त्यापैकी दोन जणांना सोमवारी (ता. २०) कोरोनाची लागण झाल्याचे निष्पन्न झाले आहे. उर्वरीत आठ जणांना होम क्वारंटाईन करण्यात आले आहे. तसेच आठही जणांची स्वॅब तपासणी करण्यात येणार आहे. यामुळे पुढील एक दोन दिवस कार्यालय बंद ठेवण्यात येणार आहे. मात्र कॅप्टनसह टीम आजारी असली तरी, आम्ही सर्वांनीच आरोग्य विभागाचे कामकाज घरुन चालू ठेवले असल्याने हवेली तालुक्यातील नागरिकांनी काळजी करु नये असेही डॉ. खरात यांनी स्पष्ट केले आहे. 

हवेली तालुक्यात रुग्णांचा आकडा पोचला १५११ वर

दरम्यान, सोमवारी दिवसभरात हवेली तालुक्यात ५६ रुग्णांची वाढ झाली असून, तालुक्यातील रुग्णांची संख्या दीड हजारांवर पोचली आहे. सोमवारी दिवसभरात ५० रुग्णांना उपचारानंतर घरी सोडण्यात आले असून, तालुक्यातील ऍक्टिव्ह रुग्णांची संख्या ८७४ झाली असल्याची माहिती डॉ. सचिन खरात यांनी दिली आहे.

पुण्याच्या बातम्या वाचण्यासाठी येथे ► क्लिक करा

डॉ. सचिन खरात यांनी दिलेल्या माहितीनुसार, सोमवारी दिवसभरात मांजरी बुद्रुक (२३), लोणी कंद (७), भिलारवाडी (१), बुक्रेगाव (१), गोऱ्हे खुर्द (१), खडकवासला (५), किरकिटवाडी (१), कोंडवे-धावडे (१), कुडजे (५), लोणी काळभोर (३), नांदेड (२), नऱ्हे (४), न्यु कोपरे (१) व वाडेबोल्हाई (१) या चौदा ग्रामपंचायत हद्दीत वरील ५६ रुग्ण आढळुन आले आहेत.

(Edited By : Krupadan Awale)