पिरंगुट : मुळशी तालुक्यातील कोरोनाबाधितांच्या संख्येने कालच आठशेचा आकडा ओलांडला असून, आज म्हाळुंगे येथे सर्वाधिक ८ रुग्ण सापडले आहेत. आज तालुक्यात नवीन २० रुग्ण सापडले आहेत. त्यामुळे तालुक्यात कोरोनाबाधितांची संख्या आता ८२१ झाली आहे.

ताज्या बातम्यांसाठी डाऊनलोड करा ई-सकाळचे ऍप

तालुक्यात आज माण येथे १, म्हाळुंगे ८, अंबडवेट ४, पिरंगुट ३, हिंजवडी ३ तर चांदे येथे १ रुग्ण सापडला आहे. आज बरे होऊन घरी सोडलेल्यांमध्ये २१ रुग्णांचा समावेश आहे. त्यामुळे तालुक्यात बरे होऊन घरी सोडलेल्या रुग्णांची संख्या आता ६५२ झाली आहे.

आज कोरोनामुळे एकाही रुग्णाचा मृत्यू झाला नाही. आज अखेर तालुक्यातील मृतांची संख्या आता २४ आहे. सध्या रुग्णालयात १४५ रुग्ण उपचार घेत आहेत. त्यांपैकी १ रुग्ण अत्यवस्थ अवस्थेत असून, अतिदक्षता विभागात ५ रुग्ण उपचार घेत आहेत. 
सध्याच्या कोरोनाबाधितांच्या आकडेवारीचा विचार केल्यास मृत्यूचे प्रमाण ३ टक्के असून ७९ टक्के रुग्ण बरे झालेले आहेत. १८ टक्के रुग्ण उपचार घेत आहेत.

देशाचा जलखजिना आता एकाच क्लिक वर

(Edited by : Sagar Diliprao Shelar)