पुणे : कोरोना व्हायरसने जगभरात थैमान घातले आहे. यातील मृतांसह बाधितांचा आकडा वाढत आहे. या पार्श्वभूमीवर विविध स्तरावरून खबरदारी घेण्यात येत आहे. राज्य सरकारच्या सार्वजनिक आरोग्य विभागाने राज्यातील शहरी भागातील शाळा आणि महाविद्यालये 31 मार्चपर्यंत बंद ठेवण्याचे आदेश जारी केले आहेत. त्यानंतर आता पुण्यातही विशेष काळजी घेतली जात आहे.
तसेच महापालिका क्षेत्रांमधील मोठे मॉलही बंद ठेवण्याचा आदेश देण्यात आले आहेत. पिंपरी-चिंचवडमध्ये आणखी पाच संशयित रुग्ण आढळून आल्याने राज्यातील बाधितांची संख्या 31 झाली असून, देशात 101 जणांना संसर्ग झाला आहे. याशिवाय राज्य सरकारने शुक्रवारी कोरोना संसर्गाच्या पार्श्वभूमीवर राज्यातील चित्रपटगृहे, नाट्यगृहे, तरणतलाव, व्यायामशाळा बंद ठेवण्याचा निर्णय घेतला होता. त्यानंतर शनिवारी सार्वजनिक आरोग्य विभागाचे प्रधान सचिव डॉ. प्रदीप व्यास यांनी राज्यातील शाळा, महाविद्यालये बंद ठेवण्याचे आदेश जारी केले.
पुण्यातही कोरोनाच्या पार्श्वभूमीवर विशेष खबरदारी घेतली जात आहे. शहर आणि परिसरातील सुमारे 202 उद्यानं अनिश्चित काळासाठी बंद ठेवण्यात आली आहेत. तसेच सारसबागेतही फिरण्यास बंदी घालण्यात आली आहे. येथील गणपती मंदिरदेखील दर्शनासाठी बंद ठेवण्यात आले आहे.
शैक्षणिक विभागांचे अध्यापन बंद
सावित्रीबाई फुले पुणे विद्यापीठाच्या वतीने कोरोनासंदर्भात खबरदारीचा उपाय म्हणून अनिश्चित काळासाठी शैक्षणिक विभागांचे अध्यापनाचे कामकाज बंद ठेवण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.