पुणे - पुणे जिल्ह्यात सोमवारी दिवसभरात 2 हजार 338 नवे कोरोना रुग्ण आढळून आले. रविवारच्या तुलनेत सोमवारी कोरोना चाचण्यांची संख्या निम्म्याने कमी झाली आहे. त्यामुळे नवीन रुग्णांची संख्या निम्म्याने कमी झाल्याचे आरोग्य विभागाकडून सांगण्यात आले.

ताज्या बातम्यांसाठी डाऊनलोड करा ई-सकाळचे ऍप
 
दिवसभरातील एकूण रुग्णांमध्ये पुणे शहरातील 884 जण आहेत. पिंपरी-चिंचवडमध्ये 655, जिल्हा परिषद कार्यक्षेत्रात 584, नगरपालिका क्षेत्रात 170 आणि कॅंटोन्मेंट बोर्ड क्षेत्रात 45 नवे रुग्ण सापडले आहेत. दरम्यान, सोमवारी दिवसभरात 76 रुग्णांचा मृत्यू झाला आहे. मृत्यू झालेल्यांमध्ये पुणे शहरातील सर्वाधिक 37 रुग्ण आहेत. पिंपरी-चिंचवडमधील 12, जिल्हा परिषद कार्यक्षेत्रातील 18 आणि नगरपालिका क्षेत्रातील पाच आणि कॅंटोन्मेंट बोर्डाच्या कार्यक्षेत्रातील चार जण आहेत. रुग्ण आणि रुग्णांच्या मृत्यूची संख्या ही रविवारी (ता. 20) रात्री 9 वाजल्यापासून सोमवारी (ता. 21) रात्री नऊ वाजेपर्यंतची आहे. 

पुण्याच्या बातम्या वाचण्यासाठी येथे ► क्लिक करा