वारजे माळवाडी : येथील एका 25 वर्षीय तरुणाची कोरोना चाचणी पॉझिटिव्ह आली होती. त्याच्या संपर्कातील 32 जणांपैकी 29 जणांचे तपासणी अहवाल आज निगेटिव्ह आल्यामुळे वारजे माळवाडीकरांना मोठा दिलासा मिळाला आहे. दरम्यान, अन्य तीन जणांचे अहवाल येणे बाकी आहे.
याबाबत, क्षत्रिय वैद्यकीय अधिकारी डॉ. अरुणा दराडे यांनी दिलेल्या माहितीनुसार, "वारजे माळवाडी परिसरातील एकाला कोरोनाची लक्षण आढळली होती. त्यामुळे त्याला गुरुवारी एरंडवणा परिसरातील एका खासगी रुग्णालयात दाखल केले होते. यावेळी त्याची कोरोनाची तपासणी केली.
पुण्याच्या इतर बातम्या वाचण्यासाठी येथे- क्लिक करा
शुक्रवारी एक मे रोजी संध्याकाळी त्याचा अहवाल सकारात्मक आला होता. त्यामुळे, शनिवारी त्याच्या घरातील आणि परिसरातील असे एकूण 32 जणांच्या घशातील द्रव (स्वॅब) तपासणी घेतले होते. त्यातील 29 जणांचा अहवाल रविवारी आले. त्यामध्ये, त्यांची चाचणी नकारात्मक म्हणजे निगेटिव्ह आल्यामुळे वारजे माळवाडी परिसरातील नागरिकांना यामुळे मोठा दिलासा मिळाला आहे.'
पुणे महानगरपालिकेच्या वतीने सहायक आयुक्त संतोष वारुळे, क्षत्रिय वैद्यकीय अधिकारी डॉ. अरुणा दराडे, पोलिस उपायुक्त पौर्णिमा गायकवाड, वारजे माळवाडी पोलिस ठाण्याचे निरीक्षक अशोक कदम यांनी तातडीने अनेक प्रभावी उपाययोजना राबविल्या.
रुग्ण राहत असलेला तीन किलोमीटरचा बफर झोन जाहीर केला आहे. एक किलोमीटर परिसर सील करण्यात आला. या एक किलोमीटर परिसरातील नागरिकांचा 14 दिवस सातत्याने आरोग्याचा सर्व्हे केला जात आहे. यामध्ये, ज्येष्ठ नागरिक व रक्तदाब, मधुमेह आणि अन्य आजाराने आजारी असलेल्या नागरिकांची माहिती दररोज घेतली जात आहे, असे ही डॉ. तरडे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.