सासवड (पुणे) : पुरंदर तालुक्यातील सासवड व जेजुरी शहरासह ग्रामीण भागात कोरोना संसर्ग वाढत आहे. गेल्या चोवीस तासात सासवड शहरातील सात रुग्ण आढळून शहर 230 वर पोचले. पुरंदर तालुक्यात मिळून तब्बल 34 रुग्ण कोरोना पाॅझिटिव्ह निष्पन्न होऊन तालुका 427 वर पोचला. त्यामुळे तालुका बाधीत रुग्णांचा चार शतकी आकडा पार केला आहे.

 नापास विद्यार्थ्यांसाठी खूशखबर, पास होण्याची संधी आलीये चालून...

शिस्त न पाळल्याने व लोकांचे लाॅकडाउन शिथिलतेत फिरणे वाढल्याने तालुक्यात ग्रामीण भागातील संसर्ग होणारी गावे आज तब्बल 45 पर्यंत पोचली आहेत. सासवड तुलनेने कमी म्हणजे आठ रुग्णांसह चोवीस तासात जेजुरी 11, कोडीत बुद्रुक चार, सोनोरी तीन, सटलवाडी दोन व वाल्हे, नीरा, कोळविहिरे, गुरोळी, परिंचे, आंबळे आदी गावात प्रत्येकी एक, असे असे रुग्ण आढळून आले.

पुण्याच्या इतर बातम्या वाचण्यासाठी येथे क्लिक करा

पुरंदर तालुक्यात कालअखेर कोरोनाबाधीत 14 वा बळी गेला. यात सासवड शहरातील तब्बल पाच बळींचा समावेश आहे. सासवड शहर व परिसरात 28 जुलैपर्यंत असलेला लाॅकडाउन शिथिल करण्याबाबत व्यापाऱ्यांनी पालिका प्रशासनास आज विनंती केली. चार दिवसात सासवड शहरातील रुग्ण संख्या थोडी घटली आहे; त्यातून लाॅकडाउन शिथिल करण्याबाबत विचार होण्याच्या आशा आहेत.