पुणे : औंध, कोंढवा येथे भरदिवसा तीन फ्लॅट फोडले तर, मुंढवा येथे रात्री फ्लॅमध्ये चोरी केली. या घटनांमध्ये चार लाखापेक्षा जास्त ऐवज चोरीला गेला आहे. अनुजा कुलकर्णी (वय 34, औंध) यांनी चतुःश्रृंगी पोलिस ठाण्यात यासंदर्भात फिर्याद दिली आहे. 

पोलिसांनी दिलेल्या माहितीनुसार, कुलकर्णी यांचा कस्तुरबा गांधी वसाहतीच्या पाठीमागे असलेल्या सोसायटीत फ्लॅट आहे. त्या कोथरूड येथील एका आयटी कंपनीमध्ये नोकरी करतात. मंगळवारी सकाळी आठ वाजता त्या नोकरीला गेल्या, सायंकाळी सहाला घरी आल्यानंतर त्यांना घरी चोरी झाल्याचे लक्षात आले. त्याचप्रमाणे त्यांच्या सोसायटीतील दिपाली सुनील कामळे यांच्या फ्लॅटमध्ये चोरी करण्याचा प्रयत्न झाला. याबाबत पोलिसांना माहिती मिळाल्यानंतर त्यांनी घटनास्थळी धाव घेतली. पुढील तपास उपनिरीक्षक टी. एम. फड करत आहेत. 

प्रतिभा गिरीष किराड (वय 33 ) यांचा कोंढव्यातील टिळेकरनगर येथील कुंज सोसायटीत फ्लॅट आहे. त्या सोमवारी सकाळी सव्वा नऊच्या सुमारास कामा निमित्ताने बाहेर गेल्या होत्या. त्यावेळी चोरट्यांनी फ्लॅटचे कुलूप तोडून घरात प्रवेश केला. बेडरूममधील कपाटातील दोन तोळे सोने व ग्रॅम चांगीचे दागिने असा साठ हजार रूपयांचा ऐवज लंपसा केला. परिसरातील सीसीटीव्ही तपासून चोरट्यांचा सोध सुरू आहे. पुढील तपास कोंढवा पोलिस करत आहेत. 

मुंढवा येथे रेणुकामाता मंदिराजवळील अक्षय जीवन वागळे (वय 34) यांचा फ्लॅट 11 जुलै रोजी कामानिमित्त बाहेर गेले होते. त्यावेळी चोरट्यांनी रात्री आठ ते सकाळी 10 या दरम्यान फ्लॅट फोडल्याचे समोर आले आहे. चोरट्यांनी घरातून 30 हजाराची रोकड, सोन्याची अंगठी, मनगटी घड्याळे असा एकूण 68 हजार रूपयांचा ऐवज लंपास केला. पुढील तपास मुंढवा पोलिस करत आहेत.