पुणे

पुण्यातील सुमारे 400 लहानग्यांची कोरोनावर मात

ज्ञानेश सावंत

पुणे : पुणेकरांनो, आपण सारे कोरोनाला खूपच घाबरतोय. साधा ताप, थंडी, सर्दी जाणवली, तरी काळजात धस्स होतंय; पण आपण या आजाराला सहज हरवू शकतो, हे शहरातील सुमारे चारशे लहानग्यांनी दाखवून दिलेय. कोरोनामुक्त झालेली ही बच्चे कंपनी सध्या मस्तपैकी खेळत-बागडत आहे. 

आनंदाची बाब म्हणजे 14 दिवसांच्या "होम क्वारंटाइन'नंतर यातील एकाही मुलाला कुठलाच त्रास नसल्याचे तपासणीतून दिसून आले आहे. पुण्यात गेल्या अडीच-पावणेतीन महिन्यांत 1 ते 10 वर्षे वयोगटातील 577 मुलांना कोरोनाचा संसर्ग झाला होता. त्यातील 67 टक्के मुले पूर्णपणे बरी झाली आहेत. उर्वरित मुलांवर उपचार सुरू आहेत, ती सगळी उपचाराला चांगला प्रतिसाद देत असून, त्यांनाही घरी सोडण्यात येणार आहे. 

पुण्याच्या बातम्या वाचण्यासाठी येथे  क्लिक करा

शहरात आजतागायत सुमारे नऊ हजार जणांना कोरोनाची लागण झाली आहे, त्यातील सर्वाधिक प्रमाण हे 40 पेक्षा अधिक वयाच्या व्यक्तींचे आहे. दहा वर्षांपर्यंतच्या मुलांनाही या आजाराचा संसर्ग झाला आहे. त्यातून मुले बरे होतील का, अशी शंका होती; परंतु ती खोटी ठरवत बहुतांशी मुला-मुलींनी कोरोनावर मात करीत घर गाठले आहे. 

पुण्याच्या बातम्या वाचण्यासाठी येथे  क्लिक करा

चौदा दिवसांत ठणठणीत 

कोरोनाग्रस्त मुलांवर बालरोग तज्ज्ञांमार्फत उपचार केले जात आहेत. अन्य रुग्णांप्रमाणेच त्यांना उपचार दिले जातात. या मुलांमध्ये इतरही काही आजार असल्याचे दिसून आले असून, त्या आजारासह त्यांच्यावर कोरोनाचेही उपचार केले जात आहेत. बहुतांशी मुले उपचारादरम्यान 14 दिवसांत ठणठणीत झाली आहेत, असे महापालिकेचे सहायक आरोग्यप्रमुख डॉ. संजीव वावरे यांनी सांगितले. 

कोरोनाबधित मुले / वय मुलांची संख्या 
1 24 
2 75 
3 38 
4 43 
5 48 
6 53 
7 76 
8 78 
9 60 
10 82 
------------------------ 
एकूण बाधित 
577 
मुले 
309 
मुली 
268 
----------- 
कोरोनामुक्त 
एकूण 388 

------ 
मुले 
205 
मुली 
183 
---------- 
उपचार सुरू असलेले 
एकूण 187 
मुले 
102 
मुली 
85 
-------- 
घरातील मोठ्या व्यक्‍तींकडूनच लहान मुलांना संसर्ग झाला आहे. मात्र उपचारानंतर मुले बरी झाली आहेत. त्यांच्यावर वेळेत आणि चांगले उपचार केले जात असल्याने मुले कोरोनामुक्त होत आहेत. मुले बाधित होणार नाहीत, यासाठी काळजी घ्यायला हवी. 

- रुबल अग्रवाल, अतिरिक्त आयुक्त, पुणे महापालिका 

कोरोना झालेल्या लहान मुलांना बालरोगतज्ज्ञांच्या सल्ल्यानुसार उपचार होत आहेत. काही रुग्णांना गरजेनुसार बालरोगतज्ज्ञांच्या देखरेखीखाली ठेवले जाते. कोरोनामुक्त झालेल्या आणि घरी गेलेल्या सर्व मुलांची तब्येत ठीक आहे का, याचीही विचारपूस केली जात आहे. 

- डॉ. संजीव वावरे, सहायक आरोग्य प्रमुख, महापालिका

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT