लोणी काळभोर (पुणे) : हवेलीकरांनो आत्तातरी जागे व्हा... कारण हवेलीमधील रुग्णांची संख्या विविध उपाय योजना करुनही दिवसेंदिवस वाढतच चालली आहे. तालुक्यातील कोरोनाबाधित अॅक्टीव्ह रुग्णांचा आकडा शनिवारी (ता. ११) सायंकाळी पाच वाजेपर्यंत तब्बल ४२० वर पोचला आहे. शनिवारी दिवसभरात तालुक्यातील आठ विविध ग्रामपंचायत हद्दीत ४३ कोरोनाचे पॉझिटिव्ह रुग्ण आढळून आले आहेत.

पुणे जिल्ह्यातील २३ गावांमध्ये सोमवारपासून लॉकडाऊन; या गावांचा असेल समावेश

दरम्यान, हवेली तालुक्यात शनिवारी (ता. ११) सायंकाळी पाच वाजेपर्यंत कोरोनाबाधित  रुग्णांचा आकडा तब्बल ४२० वर पोचला असल्याची माहिती हवेली पंचायत समितीचे आरोग्य अधिकारी डॉ. सचिन खरात यांनी दिली आहे. शनिवारी दिवसभरात उरुळी कांचन (४), डोणजे (१), मांगडेवाडी (११), देहू (९), लोणी काळभोर (४), किरकटवाडी (१), खडकवासला (४) व नऱ्हे (९) या आठ ग्रामपंचायत हद्दीत ४३ रुग्ण आढळून आल्याची माहितीही डॉ. खरात यांनी यावेळी दिली आहे.

ताज्या बातम्यांसाठी डाऊनलोड करा ई-सकाळचे ऍप   

याबाबत अधिक माहिती देताना डॉ. खरात म्हणाले, हवेली तालुक्यात मागिल तीन दिवसाच्या तुलनेत शनिवारी आढळून आलेल्या रुग्णांची संख्या थोडीफार तरी कमी झाली आहे. मागिल तीन दिवसात हवेलीत बुधवारी ६३ तर गुरुवारी व शुक्रवारी या दोन्ही दिवशी ५४ कोरोना पॉझिटिव्ह रुग्ण आढळून आले होते. मागिल तीन दिवसाच्या तुलनेत शनिवारी आलेली आकडेवारी थोडाफार तरी दिलासा देणारी आहे. कोरोनाला रोखण्यासाठी आरोग्य विभाग, महसुल विभाग, पोलिस दलासह ग्रामपंचायत प्रशासन आपआपल्या पध्दतीने लढाई लढत आहे. नागरिकांनीही कोरोनाला दूर ठेवण्यासाठी मास्क वापरुन, सोशल डिस्टन्सिंग पालन करुन प्रशासनाला साथ देण्याची गरज आहे. असेही मत डॉ. खरात यांनी यावेळी व्यक्त केले.

पुण्याच्या बातम्या वाचण्यासाठी येथे ► क्लिक करा

उरुळी कांचन व परिसरात अडीचशे बेड उपलब्ध होणार

अधिक माहिती देताना डॉ. खरात म्हणाले, पूर्व हवेलीत मागिल दहा दिवसापासून उरुळी कांचन, लोणी काळभोर, कदमवाकवस्ती ग्रामपंचायत हद्दीत कोरोनाबाधित रुग्ण मोठ्या प्रमाणात आढळून आले आहेत. कोरोना पॉझिटिव्ह रुग्णांना पुरेसे बेड उपलब्ध होत नसल्याने, रुग्णांना लोणी काळभोर पासून पुणे शहरातील विविध रुग्णालयांचे दरवाजे ठोठवावे लागत होते. यातून मार्ग काढण्यासाठी पूर्व हवेलीमधील विश्वराज हॉस्पिटल (लोणी काळभोर), प्रयागधाम हॉस्पिटल (प्रयागधाम), चिंतामणी हॉस्पिटल (कोरेगाव मूळ) या तीन खासगी रुग्णालयामधील अडीचशे बेड हवेलीचे उपविभागीय अधिकारी सचिन बारवकर यांनी दोन दिवसापूर्वी आरोग्य विभागाला ताब्यात घेण्याचे आदेश दिले आहे. या आदेशानुसार पुढील दोन दिवसात वरील तीन खासगी रुग्णालयातील बेड उपलब्ध होणार आहेत.

रुगणांच्या विलगीकरणासाठी निसर्गोपचार आश्रमाची चाचपणी...

रुग्ण वाढीचा वेग लक्षात घेता रुग्णांना व त्यांच्या संपर्कात आलेल्या नातेवाईकांना यापुढील काळात बेड कमी पडणार आहेत. यातुन मार्ग काढण्यासाठी उरुळी कांचन व परिसरातील रुग्ण व त्यांच्या संपर्कात आलेल्या हायरिस्क नातेवाईकांच्या विलगीकरणासाठी उरुळी कांचन (ता. हवेली) येथील येथील महात्मा गांधी निसर्गोपचार आश्रमाची चाचपणी महसुल व आरोग्य विभागाने सुरु केली आहे. आरोग्य विभागाच्या ताब्यात निसर्गोपचार आश्रम मिळाल्यास, उरुळी कांचन व परिसरातील दोनशेहून अधिक रुग्णांची सोय होऊ शकते. पुढील दोन दिवसात महसुल व आरोग्य विभागाचे वरीष्ठ अधिकारी आश्रमाची पहाणी करणार आहेत.