आंबेठाण (पुणे) : खेड तालुक्‍यासह शिरूर आणि दौंड तालुक्‍याला वरदान ठरणाऱ्या भामा आसखेड धरणात गुरुवारी सकाळी सहापर्यंत 56.76 टक्के पाणीसाठा जमा झाला आहे. मागील वर्षीच्या तुलनेत हा साठा अत्यंत कमी असून, गेल्या वर्षी आजच्या दिवशी धरणात 98.58 टक्के पाणीसाठा होता. 

ताज्या बातम्यांसाठी डाऊनलोड करा ई-सकाळचे ऍप

भामा आसखेड धरण भरण्यास या वर्षी उशीर होत आहे. धरणात पुरेसा पाणीसाठा होतो की नाही, याबाबत बळिराजाला चिंता आहे. त्यामुळे शेतकऱ्यांसह या पाण्यावर अवलंबून असणाऱ्या शहरी भागातील नागरिकांच्या तोंडचे पाणी पळाले आहे.

पुण्यातील इतर बातम्या वाचण्यासाठी येथे क्लिक करा

भामा आसखेड धरणाची पाणी साठवण क्षमता 8.14 टीएमसी आहे. खेडच्या पश्‍चिम भागात भामा आसखेड हे मातीचे धरण आहे. चालू वर्षी एक जूनपासून धरण क्षेत्रात 464 मिलिमीटर पावसाची नोंद करण्यात आली आहे. बुधवारी दिवसभरात 27 मि.मी. पावसाची नोंद करण्यात आली आहे. धरणात सध्या 4.83 टीएमसी पाणीसाठा शिल्लक आहे ,तर जिवंत पाणीसाठा हा 4.35 टीएमसी इतका आहे.