पुणे : पुण्यात पुन्हा एकदा सीमाभिंत मजुरांच्या झोपड्यांवर पडून सहा जण दगावल्याची घटना आंबेगाव परिसरात सोमवारी मध्यरात्री घडली. मृतांमध्ये दोन महिलांचा समावेश आहे. मृत व जखमींची नावे समजू शकली नाहीत. कोंढवा परिसरात शुक्रवारी सिमाभींत पडून 15 मजुरांचा मृत्यू झाला होता. त्यानंतर लगेच दोन दिवसांत ही घटना घडली आहे.

अग्निशामक दलाने एकूण नऊ जणांना तिथून बाहेर काढले. सहा जणांचा मृत्यू झाला असून चार पुरुष, दोन महिला यांचा त्यात समावेश आहे. तर तीन जण जखमी आहेत. भारती विद्यापीठाच्या अंतर्गत आंबेगाव पोलिस चौकी शेजारी घटना घडली आहे. ही भिंत खाली दगडी बांधकाम त्यावर सिमेंटच्या विटा त्यावर लोखंडी जाळी पंधरा फूट उंचीची भिंत होती. जमिनीत पावसाचे पाणी मुरल्यामुळे जमिनीचा भाग फुगला आणि भिंत पडली. सुमारे 40 फूट लांबीची ही भिंत पडलेली आहे.

अग्निशमन दल घटनास्थळी पोचताच त्यांनी घन पोगर याने मदत कार्य सुरू केले. त्यानंतर एक जेसीबी आला जेसीबीला येण्यासाठी रस्ता नव्हता. येथील पत्र तोडून तो घटनास्थळी पोहोचला. रात्री सव्वा बारा वाजण्याच्या सुमारास पोलिसांकडून अग्निशामक दलाला मदत कार्य पाहिजे असल्याचा फोन आल्यानंतर अग्निशामक दलाचे पथक त्या ठिकाणी पोहोचले. कात्रज-सिंहगड एरंडवाना कोथरूड मध्यवर्ती कार्यालय क्यू आर टी च्या दोन गाड्या असा मोठा ताफा या ठिकाणी मदतकार्यात होते. मदतकार्यासाठी एनडीआरएफची मदत घेण्यात आली.

जिल्हाधिकारी नवल किशोर राम म्हणाले -
- संबंधित घटना नैसर्गिक आणि मानवी चुका या दोन्हींमुळे
- मृतांपैकी ४ रहिवासी छत्तीसगड तर २ मध्यप्रदेशचे
- कोंढवा घटनेनंतर २७८ साईट्सची पाहणी पूर्ण
- बांधकाम व्यावसायिक आणि ठेकेदारांना कामगारांना योग्य सुविधा पुरवण्याचे आदेश दिलेले आहेत.