पुणे

नद्यांतून काढला ७ टन कचरा

सकाळवृत्तसेवा

पुणे - शहरातून वाहणाऱ्या मुळा-मुठासह परिसरातील अन्य नद्यांतून आणि पात्राजवळून तब्बल ७ टन कचरा बाहेर काढण्यात जीवित नदी संस्थेला यश आले आहे. निमित्त होते ते मुठाई महोत्सवाचे.  ‘जीवित नदी’तर्फे २५ ते २८ नोव्हेंबरदरम्यान हा महोत्सव झाला. 

नदी या विषयावर काम करणाऱ्या शहरातील इतर संस्था आणि पुणे महानगरपालिका यांच्या संयुक्त विद्यमाने महोत्सवादरम्यान विविध उपक्रम राबविण्यात आले. या उपक्रमाच्या माध्यमातून प्रामुख्याने मुळा, मुठा, राम नदीसह इंद्रायणी, पवना या नद्यांतील आणि नदी घाटाशेजारी असलेला कचरा, जलपर्णी काढण्यात आली. 

कवडीपाट परिसरातील ६ टन ५७६ किलो कचरा ‘स्वच्छ पुणे स्वच्छ भारत’ ने काढला. एवढा कचरा काढूनही नदीतील कचरा काढण्याचे काम सुरूच आहे, असे ग्रुपचे समन्वयक पुनीत शर्मा यांनी सांगितले. तसेच, मुळा, मुठा, राम नदीतून २४०० किलो काचेच्या बॉटल्स्‌, १६०० किलो संमिश्र कचरा, ८०० किलो प्लास्टिकचा कचरा बाहेर काढला गेला. पवना आणि इंद्रायणी नदीतून प्रत्येकी तीन ट्रक जलपर्णी काढण्यात आली. या महोत्सवादरम्यान राजाराम पूल आणि औंध येथील राजीव गांधी पुलावर हातात ‘नदी वाचवा’चे बोर्ड घेऊन ‘जीवित नदी’च्या कार्यकर्त्यांनी तेथून ये-जा करणाऱ्या नागरिकांशी नदी सुधारणा व स्वच्छता यावर संवाद साधला. तसेच, शाळकरी मुलांना ‘स्टोरी टेलिंग’द्वारे जलपर्णी आणि नदीचे आरोग्य बिघडवणाऱ्या गोष्टींना आपण कसे थांबवू शकतो, याची माहिती दिली.

राम नदीसाठी वसुंधरा स्वच्छता अभियान, इंद्रायणीसाठी अविरत श्रमदान, पवनासाठी रोटरी क्‍लब ऑफ वाल्हेकरवाडी या संस्थांनी काम केले. २८ नोव्हेंबरला ‘भारतीय नदी दिवस’ साजरा करीत महोत्सवाची सांगता झाली. 

बहुतेक लोकांना नदीविषयी माहितीच नाही. आपल्याला रोजच्या वापराचे पाणी कोठून येते, वापरलेले पाणी कोठे जाते, याची प्राथमिक माहितीही बहुतेक लोकांना नसते. त्यामुळे नदी स्वच्छ करतानाच लोकांमध्ये नदीविषयी जागरूकता निर्माण करणे गरजेचे आहे. 
- शैलजा देशपांडे, संस्थापक - संचालक, जीवित नदी 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT