गराडे (पुणे) : नारायणपूर (ता. पुरंदर) येथे रविवारी नारायणेश्वर मंदिराजवळील एका कुटुंबातील वृद्धाचा कोरोनामुळे मृत्यू झाला. त्यामुळे गावात घबराटीचे वातावरण पसरले आहे. गावातील एकूण चार रुग्ण होते. पैकी आज एक मयत झाल्यामुळे तीन रुग्ण गावात असल्यामुळे खबरदारीचे उपाय म्हणून सर्व गोष्टींचे पालन करण्यात येत असल्याची माहिती ग्रामसेवक रोहित अभंग यांनी दिली.

ताज्या बातम्यांसाठी डाऊनलोड करा ई-सकाळचे ऍप 

यावेळी सरपंच सुजाता बोरकर, उपसरपंच अनिल खोमणे, तलाठी अलोनी,  माजी सरपंच रामभाऊ बोरकर, दत्त मंदिराचे व्यवस्थापक भरतनाना क्षीरसागर आदी उपस्थित होते. खबरदारीचा उपाय म्हणून गावात आतापर्यंत सहा वेळा औषधांची फवारणी करण्यात आली असून, गावातील लोकांना मास्क व सॅनिटायझरचे वाटप करण्यात आले आहे, अशी माहिती माजी सरपंच रामभाऊ बोरकर यांनी दिली.

पुण्याच्या बातम्या वाचण्यासाठी येथे क्लिक करा

राज्यात ज्यावेळी लॉकडाउन सुरू झाले. तेव्हापासून आतापर्यंत नारायणपूरमध्ये सर्व दुकाने बंद आहेत. दत्त मंदिराची ख्याती अनेक राज्यात आहे. त्यामुळे अनेक राज्यातील लोक दत्तजयंती सोहळ्यानिमित्त नारायणपूर येत असतात. तसेच, गुरुवारची येथे नेहमी गर्दी असते. पण लॉकडाउनपासून मंदिर बंद ठेवण्यात आले आहे. जर दुकाने उघडी ठेवली, तर लोकांची वर्दळ होते. हे पाहिल्यानंतर नारायण महाराज यांच्या मार्गदर्शनाखाली आतापर्यंत गावातील दुकाने बंद ठेवण्यात आली आहेत. तसेच, कोरोनाचा प्रादुर्भाव लक्षात घेता ग्रामस्थांनी घरातच राहावे. विनाकारण बाहेर पडू नये. तसेच, बाहेर पडताना मास्क लावावा, असे आव्हान क्षीरसागर यांनी केले.