रामवाडी (पुणे) : सोमनाथमळा चंदननगर - खराडी येथे आठ कोरोना पॉझिटिव्ह रुग्ण आढळल्याने परिरारातील नागरिकांमध्ये घबराट पसरली आहे. महापालिकेच्या आरोग्य अधिकाऱ्यांनी दिलेल्या माहितीनुसार, सोमनाथमळा येथील रुग्णाला प्रथम ताप आल्याने तो खासगी दवाखान्यात उपचारासाठी गेला होता. तिथे कोरोना टेस्ट घेण्यात आली. रिपोर्ट् पॉझिटिव्ह आल्याने त्याच्या संपर्कात आलेल्या पंधरा व्यक्तीची तपासणी केली असता अजून सात पॉझिटव्ह रुग्ण आढळले आहेत.

कोरोनामुळे अनेक व्यवसाय अडचणीत, पण हा व्यवसाय तेजीत

सध्या काही खासगी तर काही सरकारी रुग्णालयात उपचार घेत आहेत. लॉकडाऊनचे नियम शिथिल करण्यात आल्याने विनाकारण नागरिक घराबाहेर पडत आहे. चौकाचौकात मित्रमंडळीसह गप्पा मारत उभे असणारे घोळके दिसत आहेत. काही नागरिक विना मास्क घराबाहेर पडत आहे. त्यामुळे चंदननगर व खराडी येथे कोरोना पॉझिटिव्ह रुग्ण संख्येत वाढ होत आहे.

कोरोनामुक्त रुग्ण घरी परतल्यावर स्वागत करताय तर... 

चंदननगर खराडी येथे  कोरोना पॉझिटिव्ह रुग्णांची एकूण संख्या 146 होती. गेल्या आठवड्या पर्यत 109 रुग्ण उपचार घेऊन बरे होऊन आपल्या घरी गेले आहेत. तर 33 रुग्ण सरकारी तसेच खासगी रुग्णालयात उपचार घेत आहेत. एकूण रुग्णांपैकी 4 जणांचा मृत्यू झाला आहे. सध्या तीनही प्रभागात नागरिक कोरोना विषयी गांभीर्याने घेतले जात नसल्याने प्रशासनाची मात्र डोकेदुखी वाढली आहे.