पुणे : कुरिअर कंपनीमधून बोलत असल्याचे सांगून सायबर चोरट्यांनी एका ज्येष्ठ महिलेची दोन कोटी आठ लाख रुपयांची फसवणूक केली. याप्रकरणी सायबर पोलिस ठाण्यात गुन्हा दाखल करण्यात आला आहे. कोरेगाव पार्क येथील ज्येष्ठ महिलेने (वय ६९) याबाबत सायबर पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, सायबर चोरट्यांनी २६ एप्रिलला स्काईप आयडीवरुन महिलेच्या मोबाईलवर संपर्क साधला. आरोपीने फेडेक्स कुरिअर कंपनीच्या कार्यालयातून आकाश कुमार बोलत असल्याचे सांगितले. तुम्ही मुंबई विमानतळावर फेडेक्स कुरिअर कंपनीकडून एक पार्सल पाठविले होते.
सीमाशुल्क विभागाने ते पार्सल जप्त केले असून, त्यात ‘एलएसडी’ अमली पदार्थांच्या १२० स्ट्रीप आढळून आल्या आहेत. याशिवाय पाच पासपोर्ट आणि कपडे आहेत. याबाबत मुंबईच्या नार्कोटिक्स कंट्रोल ब्युरोत गुन्हा दाखल केला असून, अटक होण्याची भीती दाखवली.
आरोपींनी महिलेला कारवाई टाळण्यासाठी त्यांच्या बॅंक खात्यातील रक्कम आपल्या खात्यात पाठविण्यास सांगितली. कारवाईच्या भीतीने महिलेने दोन कोटी आठ लाख रुपये खात्यात ट्रान्स्फर केले. त्यानंतर आरोपींनी त्यांचा मोबाईल ब्लॉक केला. फसवणूक झाल्याचे लक्षात आल्यानंतर या महिलेने सायबर पोलिस ठाण्यात तक्रार दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.