खडकवासला (पुणे) : अनलॉकची प्रक्रिया सुरू झाल्यानंतर मागील आठवड्यात सिंहगड पर्यटकांसाठी खुला झाला. त्यानंतर पहिल्यांदाच पर्यटकांची गर्दी सिंहगडावर सुरू झालेली आहे. शनिवार व रविवार असे सलग सुट्टीचे दिवशी सिंहगडावर या दोन दिवसात सुमारे १३ हजार पर्यटकांनी भेट दिली.

सिंहगड सुरू झाल्यानंतर हा पहिलाच शनिवार- रविवार असल्यामुळे पर्यटकांची ओढा वाढला होता. असे भांबुर्डा वनपरिक्षेत्र विभागाच्यावतीने दिलेल्या माहितीनुसार रविवारी सिंहगडावर एक हजार ८२६ दुचाकीने तीन हजार ७०० आणि ७९४ चारचाकीने सुमारे चार हजार १०० पर्यटक गडावर गेले होते. याचबरोबर खासगी प्रवासी वाहतूक करणारे वाहनाने सुमारे एक हजार २००जण गडावर पोचले. नऊ हजार जण आले होते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

शनिवारी 648 दुचाकी वरून सुमारे एक हजार ३५० तेराशे हून अधिक पर्यटक ३७७  चार चाकी मधून सुमारे एक हजार 945 हून खासगी प्रवासी वाहतूक करणाऱ्या वाहनांतून 865 असे चार हजार 155 पर्यटक गडावर पोहोचले होते. दोन्ही दिवशी मिळून १३ हजार १५५ पर्यटक आले होते. गडावर पर्यटक येऊ लागल्याने आज येथे खाद्य पदार्थ विकणाऱ्यांच्या चेहऱ्यावर हसू दिसू लागले आहे. 
 

Coronavirus: पुणे जिल्ह्यात कोरोना आटोक्यात; मृत्यूचे प्रमाणही आले निम्म्यावर