पुणे : राज्याच्या नगर रचना (टाऊन प्लॅनिंग) विभागातील नगर रचना सहसंचालक हनुमंत नाझीरकर यांच्याविरुद्ध बेहिशेबी मालमत्ता बाळगल्याच्या आरोपावरून लाचलुचपत प्रतिबंधक विभागाने (एसीबी) गुरुवारी सकाळी पुण्यातील अलंकार पोलिस ठाण्यात गुन्हा दाखल केला. याबाबत 'एसीबी'चे अधीक्षक राजेश बनसोडे यांच्याशी संपर्क साधला असता गुन्हा दाखल झाल्याच्या वृत्ताला त्यांनी दुजोरा दिला. मात्र, तपशील नंतर सांगतो, असे सांगितले.
नाझीरकर हे सध्या अमरावती येथे नियुक्तीस आहेत. 2 वर्षांत त्यांच्याकडे सुमारे 2 कोटी 75 लाख रुपयांची बेहिशेबी मालमत्ता सापडल्याचे अलंकार पोलिस ठाण्यात दिलेल्या फिर्यादीत म्हटले आहे. नाझीरकर यांच्याविरुद्ध आलेल्या तक्रारीवरून एसीबी अनेक दिवस चौकशी करीत होती. त्यानुसार प्राथमिक तपासात तथ्य आढळल्यामुळे हा गुन्हा दाखल झाला आहे. पुढे अजून तपास सुरू राहणार आहे.
पुण्याच्या बातम्या वाचण्यासाठी येथे क्लिक करा
पुण्यातील कोथरूड येथील स्वप्नशिल्प सोसायटीमधील सदनिकेत 4 पोलिस अधिकारी आणि 8 कर्मचाऱ्यांचे पथक सध्या झडती घेत आहे. नाझीरकर यांच्या अन्य ठिकाणच्या मालमत्तांचाही शोध सुरू असून तेथेही तपास होणार असल्याचे पोलिसांनी सांगितले.
पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.