इंदापूर, ता.२५ : गलांडवाडी (ता. इंदापूर) हद्दीत पुणे-सोलापूर महामार्गावर इंदापूर शहर बाह्यवळणाजवळ मंगळवारी (ता.२४) विजयादशमीच्या दिवशीच सकाळी १० वाजता भरधाव ट्रकने दुचाकीस्वारास चिरडले. यामध्ये दशरथ मारुती चोरमले (वय २२, काळखे वस्ती, गलांडवाडी नंबर १, ता.इंदापूर) याचा जागीच मृत्यू झाला. घटनेनंतर संतप्त जमावाने ट्रक पेटवून दिला.
दरम्यान, संतप्त झालेल्या जमावाने ट्रक पेटवून दिला. पेटवलेला ट्रकला लागलेली आग आटोक्यात आणण्याचा प्रयत्न करताना इंदापूर पोलिस ठाण्यात कार्यरत असणारे पोलिस हवालदार अर्जुन नरळे यांना किरकोळ भाजले आहे. यावेळी पोलिस निरीक्षक दिलीप पवार यांचेसह पोलिस पथकाने घटनास्थळी धाव घेत जमावाला शांत करण्याचा प्रयत्न केला. यावेळी इंदापूर नगर परिषदेच्या अग्निशामकच्या मदतीने ही आग आटोक्यात आणली.
अपघातप्रकरणी दशरथ यांचे पुतणे रोहिदास बाळू चोरमले यांनी फिर्याद दिली. दशरथ मारुती चोरमले हे आपल्या दुचाकीवरून (एमएच ४२ सी ५६०४) शहरात दूध विक्री करून, घरी निघाले असता ट्रक नंबर (एमएच ३२ एजे ९२७३) हा सोलापूरकडून पुण्याच्या दिशेने निघाला होता. यावेळी ट्रकने दुचाकीला धडक दिली. यामध्ये दुचाकीस्वाराचा मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.