पुणे - देशातील वाढत्या अपघातांबाबत सर्वोच्च न्यायालयाने अपघात रोखण्यासाठीच्या उपाययोजना करून मृत्यूचे प्रमाण कमी करण्याचे आदेश दिले होते. त्यानुसार, शहरात उपाययोजना केल्या. त्यामुळे २०१८ च्या तुलनेत मागील वर्षी प्राणांतिक अपघात १८ टक्क्यांनी कमी झाले, असे पोलिस आयुक्त डॉ. के. वेंकटेशम यांनी मंगळवारी सांगितले.
शहरातील वाहतूक वाहतूक कोंडी व वाहतुकीच्या अन्य समस्या सोडविण्यासाठी पोलिस प्रशासनाकडून प्रयत्न करण्यात येत आहेत. या पार्श्वभूमीवर वाहतुकीचा आढावा घेत असताना डॉ. के. वेंकटेशम यांनी मागील वर्षी वाहतूक विभागाने केलेल्या कामाची माहिती दिली. मागील वर्षी जानेवारी महिन्यात अपघातामधील मृत्यूचे प्रमाण ५० टक्क्यांहून कमी करण्याचे उद्दिष्ट ठेवले होते. हे उद्दिष्ट गाठण्यासाठी वाहतूक पोलिसांकडून प्रयत्न सुरू आहेत. त्यासाठी काही बदलही करण्यात आले. त्यानुसार मागील वर्षी प्राणांतिक अपघातांचे प्रमाण १८ टक्क्यांनी कमी झाल्याचे डॉ. वेंकटेशम यांनी नमूद केले.
ज्या भागात वाहतूक कोंडी होत आहे, अशा चौकांची, रस्त्यांची पाहणी करून त्याचा अहवालही तयार केला आहे. याबरोबरच वृत्तपत्रांमध्ये प्रसिद्ध झालेल्या बातम्यांचेही संकलन करून उपाययोजना करण्यात येत असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.