जुन्नर (पुणे) : जुन्नर पोलिसांना दोन घरफोडीत हवा असणाऱ्या आरोपीस पुणे ग्रामीणच्या स्थानिक गुन्हे शाखेच्या पथकाने मंगळवारी (ता. 1) गस्तीदरम्यान अटक केली आहे. 

पुण्याच्या इतर बातम्या वाचण्यासाठी येथे क्लिक करा

दिलीप नारायण केदार वय 25, रा. पिराचीवाडी- निमदरी, ता. जुन्नर) असे अटक आरोपीचे नाव आहे. त्याने दोन घरफोडीत सुमारे एक लाख 4 हजार 800 रुपयांचा ऐवज चोरला होता. पारुंडे (ता. जुन्नर) येथील आतिष पुंडे व जितेंद्र पुंडे यांच्या घरात घुसून अनुक्रमे 67 हजार व 38 हजार चारशे रुपये किमतीचे तीन मोबाईल संच, चार्जर, पॉवर बँक, असा ऐवज चोरून नेला होता. याप्रकरणी जुन्नर पोलिस आरोपीच्या शोधात होते. त्याला पुणे ग्रामीणच्या स्थानिक गुन्हे शाखेच्या पथकाने मंगळवारी (ता. 1) गस्तीदरम्यान अटक केली आहे. त्याने गुन्ह्याची कबुली दिली असून पुढील कायदेशीर कार्यवाहीसाठी जुन्नर पोलिसांच्या ताब्यात देण्यात आले आहे.

पुणे जिल्ह्यात कोरोनाची साखळी तुटेना
  
सदरची कामगिरी स्थानिक गुन्हे शाखेचे पोलीस निरीक्षक पद्माकर घनवट यांच्या मार्गदर्शनाखाली सहायक पोलिस निरीक्षक रवींद्र मांजरे, सहायक फौजदार दत्तात्रेय जगताप, पोलिस नाईक दीपक साबळे, चंद्रकांत जाधव, पोलिस हवालदार शरद बांबळे, शंकर जम, काशीनाथ राजपुरे, रौफ इनामदार यांच्या पथकाने केली.