पुणे - फरासखाना पोलिस ठाण्यातील लॉकअपमध्ये एका आरोपीने गळफास घेऊन आत्महत्या केली. ही घटना बुधवारी (ता. १८) सकाळी सहा वाजण्याच्या सुमारास घडली. या प्रकरणाचा तपास राज्य गुन्हे अन्वेषण विभागाकडे सोपविण्यात आला आहे.
शिवाजी उत्तम गरड (वय २४, रा. हडपसर) असे आत्महत्या केलेल्या आरोपीचे नाव आहे. परिमंडळ एकचे पोलिस उपायुक्त संदीपसिंह गिल यांनी दिलेल्या माहितीनुसार, गुन्हे शाखेच्या युनिट सहाच्या पथकाने त्याला हडपसर परिसरातील वाहन चोरीच्या गुन्ह्यात अटक केली होती. न्यायालयाने त्याला १२ मे ते १८ मेपर्यंत पोलिस कोठडी सुनावली होती. त्याला फरासखाना पोलिस ठाण्याच्या लॉकअपमध्ये ठेवले होते.
तेथील सुरक्षा रक्षकाला बुधवारी सकाळी सात वाजता पाहणीदरम्यान शिवाजी गरड याने गळफास घेतल्याचे आढळले. त्याने बेडशीट आणि चादरीची बाजूची पट्टी कापून त्याच्या साह्याने स्वच्छतागृहाच्या खिडकीला गळफास घेतला. त्याला तातडीने ससून रुग्णालयात दाखल करण्यात आले. मात्र, त्यापूर्वीच त्याचा मृत्यू झाल्याचे वैद्यकीय तपासणीत आढळले. या घटनेची माहिती मिळताच वरिष्ठ पोलिस अधिकाऱ्यांनी घटनास्थळी धाव घेतली. या प्रकरणाचा तपास राज्य गुन्हे अन्वेषण (सीआयडी) विभागाकडे हस्तांतरित करण्यात आला आहे.
पोलिस रेकॉर्डवरील गुन्हेगार
आरोपी शिवाजी गरड हा मूळचा वाशीम येथील रहिवासी आहे. तो पोलिस रेकॉर्डवरील गुन्हेगार असून, त्याच्याविरुद्ध एटीएम चोरी आणि वाहन चोरीचे गुन्हे दाखल आहेत, असे पोलिस उपायुक्त संदीपसिंह गिल यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.