पुणे - मुलांचा विकास हा कुटुंबाशी जोडलेला असतो. मुलांच्या विकासासाठी कुटुंबातील आपलेपण आणि त्याचे प्रकटीकरण महत्त्वाचे असते. कुटुंबापासून वंचित असलेल्या बालगृहातील अनाथ मुलांनाही आपल्या कुटुंबात काही काळ का असेना, जोडणे आवश्यक आहे, असे मत बालहक्क संरक्षण समितीचे अध्यक्ष प्रवीण घुगे यांनी व्यक्त केले.
डेक्कन जिमखाना येथे ‘स्नेहालय’ संस्था आणि बालहक्क समितीच्या वतीने आयोजित अनाथ बालकांच्या हक्कांविषयीच्या एका परिषदेत ते बोलत होते. या वेळी सीइआरआयचे संचालक इयान आनंद, मिलिंद कुलकर्णी, अमित गुळवलेकर, स्नेहालयचे डॉ. गिरीश कुलकर्णी आदी उपस्थित होते.
घुगे म्हणाले, ‘‘परंपरा आणि संस्कृतीला वास्तवाशी जोडायला हवे. नवरात्रीमध्ये आम्ही कुटुंबामध्ये अनाथ मुलींना राहण्यासाठी आणले होते. त्या मुलींसाठी कुटुंबात राहण्याचा हा पहिलाच अनुभव होता. निश्चितच या अनुभवाने त्यांच्यासह आम्हीही समृद्ध झालो. समाजातील कुटुंबांनी अनाथ मुलांचे प्रतिपालकत्व किंवा प्रायोजकत्व स्वीकारणे गरजेचे आहे.’’ ‘अनाथ मुलांचे कुटुंबासमवेत संगोपन’ अशा विषयातील आशियातील ही पहिलीच परिषद असल्याचे डॉ. गिरीश कुलकर्णी यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.