पुणे - कोरोनाचा संसर्ग वाढू होऊ नये म्हणून गेल्या सहा महिन्यांपासून बंद असलेले कौटुंबिक न्यायालयातील बाररुम खुले करण्यास परवानगी देण्यात आली आहे. मात्र बाररुमचा वापर करताना मास्क, सॅनिटायझर, सुरक्षित अंतराचे पालन करण्याच्या सूचना देण्यात आल्या आहेत. कौटुंबिक न्यायालयाचे प्रमुख न्यायाधीश सुभाष काफरे यांनी याबाबत आदेश दिला आहे. 

ताज्या बातम्यांसाठी डाऊनलोड करा ई-सकाळचे ऍप

येथील कामकाज 21 सप्टेंबरपासून दोन शिफ्टमध्ये सुरू होणार आहे. त्या पार्श्‍वभूमीवर बाररूम खुली करण्याची विनंती करणारे निवेदन दी पुणे फॅमिली कोर्ट लॉयर्स असोसिएशनतर्फे न्यायाधीश काफरे यांना देण्यात आले होते. सध्या येथील न्यायाधीशांची उपस्थिती 100 टक्के करण्यात आली आहे. इमारतीमधील बाररूम सुरू करण्यास न्यायालयाने परवानगी दिली आहे. त्यांचा वापर करीत असताना वकिलांनी कोरोनाबाबतच्या सर्व खबरदारी घ्याव्यात, असे आवाहन असोसिएशनच्या अध्यक्ष ऍड. वैशाली चांदणे यांनी केले आहे. 

पुण्याच्या बातम्या वाचण्यासाठी येथे ► क्लिक करा