पुणे - शहरातील मोकळ्या जागा किती आहेत, त्यांचे क्षेत्रफळ किती आहे?, लहान भूखंड किती, मोठे भूखंड किती याची माहिती संकलित करण्याचे काम सुरु आहे. ही माहिती आल्यानंतर सर्व अधिकाऱ्यांशी चर्चा करूनच थकबाकीमध्ये सवलत द्यायची किंवा नाही याचा निर्णय घेतला जाईल. अद्याप सवलतीचा कोणताही निर्णय घेतलेला नाही, असे स्पष्टीकरण आयुक्त तथा प्रशासक विक्रम कुमार यांनी दिले.
शहरातील मोकळ्या जागांसाठी लोक अदालतीच्या माध्यमातून अभय योजना राबविण्याचा प्रशासकीय स्तरावर हालचाली सुरु आहे. मिळकतकर विभागाने त्याचा प्रस्ताव अतिरिक्त आयुक्तांच्या मान्यनेते आयुक्तांकडे पाठवला आहे. त्यावर आज आयुक्तांनी पत्रकारांशी संवाद साधताना स्पष्टीकरण दिले.
आयुक्त म्हणाले, ‘मोकळ्या जागांवरील मिळकतकराची थकबाकी माफ करण्याचा निर्णय झालेला नाही. सध्या या संदर्भात चर्चा सुरु आहे, तसेच यासाठीची आकडेवारी संकलनाचे काम सुरु आहे. ती आल्यानंतर योजना राबवावी की नाही याचा निर्णय घेऊ.
आत्तापर्यंत एकदाही मोकळ्या जागांसाठी अभय योजना राबविली नाही, त्यामुळे यासंदर्भातील विचार सुरु आहे. मोकळ्या जागा फक्त राजकीय किंवा बांधकाम व्यावसायिकांकडेच आहेत असे नाही. तर सर्वसामान्य नागरिकांकडे छोटे प्लॉट आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.