बालेवाडी : बाणेर येथील ताम्हाणे चौकात अतिक्रमण विभागाकडून महिनाभरातील ही दुसऱ्यांना कारवाई करून 20 हजार चौरस फूट क्षेत्रफळ असलेल्या पत्र्याच्या शेड पाडण्यात आले आहेत. बाणेर येथील ताम्हाणे चौक या ठिकाणी (ता.11) जून रोजी पुणे महापालिकेच्या बांधकाम विकास विभागाकडून 65 हजार चौरस फूट क्षेत्रफळ असणाऱ्या पत्र्याच्या शेडवर कारवाई करण्यात आली होती. याच भागातील उर्वरित पत्र्याच्या शेडवर आज (ता. 30) एकूण 20 हजार चौरस फूट क्षेत्रफळ असलेल्या पत्र्याच्या शेड वर जेसीबीच्या साहाय्याने पाडण्यात आली.

या परिसरात बऱ्याच मोठ्या प्रमाणामध्ये फर्निचर, चिकन, भाजी, फळं, हॉटेल अशी पत्र्याची मोठी दुकाने थाटण्यात आली होती. ही सर्व दुकाने अनधिकृत असल्यामुळे येथे वारंवार कारवाई करण्यात येणार असल्याने व्यवसायिकांची नुकसान होऊ शकते. यामुळे पुन्हा येथे शेड उभारून नयेत असे आवाहन महापालिका अधिकाऱ्यांच्यावतीने करण्यात आले.

कारवाई करताना सर्व कायदेशीर प्रक्रियेचे पालन असून अनधिकृत कामे पाडण्याचे आदेश हरित लवाद अंतर्गत कोर्टाने दिले आहेत त्यानुसार नोटिसा देऊन पोलिस बंदोबस्तात ही कारवाई केल्याचे बांधकाम विभागाचे अभियंता संग्राम पाटील यांनी सांगितले. बांधकाम विकास विभाग झोन 3 चे कार्यकारी अभियंता श्रीकांत वायदंडे, उपअभियंता जयवंत पवार, गंगाप्रसाद दांडिमे,नवीन मेत्रे आदींनी या कारवाईत सहभाग घेतला.