पुणे : ससाणेनगर गल्ली नंबर ९ मध्ये काल( ता.27) रात्री १० वाजता कोयते व तलवारी घेऊन दहशत माजवत सुमारे १० ते १२ दुचाकी व चारचाकी गाड्यांच्या काचा फोडल्याची घटना घडली. याचं टोळक्याने पुढे जाऊन चालत्या रेल्वेला ही दगड फेक केली.  स्थानिक नागरिकांनी पोलिसांना फोन कळविले. त्यानंतर हडपसर पोलीसांनी त्यांना पकडले. परंतु काही जणांनी पोलिसांना गुंगारा देऊन तेथुन पळून गेले.

सत्तुर्या उर्फ राजेश नेवसे व ओंकार गिरमे, निखिल तिकोटे, श्रीकांत जाधव, औदुंबर बिराजदार, महेश गायकवाड व इतर ३  जणांचा या प्रकारात समावेश आहे. या प्रकारामुळे स्थानिक नागरिक प्रचंड घाबरलेले असुन पोलीस यावर काय भूमिका घेतात याकडे सर्वाचे लक्ष आहे

नगरसेवक योगेश ससाणे घटनास्थळी जाऊन नागरिकांना दिलासा दिला. पोलिस स्टेशनला जाऊन तक्रार दाखल करण्यायास सांगितले हडपसर पोलीस स्टेशनचे सिनियर पी. आय. सुनिल तांबे साहेबांना सदर गुन्हेगारावर कडक कायदेशीर कारवाई करण्याची विनंती केली.