कॅन्टोन्मेंट - राष्ट्रवादी पक्षाच्या (NCP) वतीने प्रभाग 27 मधील कासेवाडी, हरकानगर, लोहियानगर या भागातील मूलभूत समस्यांपासून (Basic Problems) वंचित असलेल्या नागरिकांकरिता आंदोलन (Agitation) करण्यात आले.

यामध्ये दूषित पाणी, पिण्याच्या पाण्याची समस्या, वीज, ड्रेनेज लाईन, अस्वच्छता, रस्त्यावरील खड्डे असे आदी समस्यांविषयी निवेदन भवानी पेठ क्षेत्रीय कार्यालयाचे मनपा सह. आयुक्त गणेश सोनुने यांना देण्यात आले.

यावेळी पक्षाचे कँटोन्मेंट मतदार संघाचे निरीक्षक रवींद्र माळवदकर, जुबेर बाबू शेख, दत्ता जाधव, विक्रम मोरे, नरेश जाधव, शांतीलाल मिसाळ, युसुफ शेख, किरण जगताप, नरेश पगडाल्लू, फिरोज तांबोळी, हरीश लडकत, इस्तीयाक बागवान, राहुल तांबे, पोपटराव गायकवाड,संजय गायकवाड निकिता जाधव, योगिता लडकत, दिलशाद शेख, शरीन शेख आदी महिला कार्यकर्ते व स्थानिक नागरिक मोठ्या संख्येने उपस्थित होते.

यावेळी माळवदकर म्हणाले की, हाकेच्या अंतरावर क्षेत्रीय कार्यालय असताना देखील नागरिकांच्या समस्यांची दखल घेतली जात नाही. भाजपची सत्ता असताना देखील अमानुषपणे नको ती बिले पास करून लोकांना त्रास देण्याचे काम याठीकणी केले जात आहे. पुढील काळात नगरसेवकांनी या समस्येचे निवारण केले नाही तर पुढच्या काळात तीव्र आंदोलन करण्याचा इशारा माळवदकर यांनी दिला.

यावेळी जुबेर बाबू शेख म्हणाले की,क्षेत्रीय कार्यालयातील अधिकारी व कर्मचारी यांच्या आळशीपणा व निष्काळजीपणाला कंटाळून हा मोर्चा काढण्यात आलेला आहे. यामध्ये लोकांच्या घरात पाणी, दारात पाणी, असा अनेक समस्या आज भेडसावत आहे. आम्ही पक्षाच्या वतीने गल्लीबोळात ट्यूबलाईट बसविले होते मात्र ते ट्यूबलाइट देखील नगरसेवकांना हाताशी धरून अधिकाऱ्यांनी ते बंद केल्या.