पुणे : शिक्षक भरती बाबत सरकारच्या दुर्लक्ष  आणि अन्यायकारक धोरणाचा विरोध करण्यासाठी डि.टी.एड,बी.एड स्टूडंट असोसिएशनच्या वतीने येत्या शुक्रवारी (ता. १०) सकाळी दहा वाजेपासून राज्यव्यापी "घर बैठे डिग्री जलाओ आंदोलन" करण्यात येणार असल्याची माहिती डी टी एड बी एड स्टुडंट असोसिएशनच्या पुणे जिल्हाध्यक्ष पूनम पाटील यांनी दिली.
ताज्या बातम्यांसाठी डाऊनलोड करा ई-सकाळचे ऍप   

या आंदोलनात डी.एड, बी.एड.धारक आणि शिक्षण सेवक घरी बसून  सहभागी होणार असून पदवी ( डिग्री )च्या प्रतिकात्मक प्रती जाळून ते व्हिडिओ, छायाचित्र सोशल मिडियाद्वारे शिक्षण मंत्री, आयुक्त यांच्यापर्यंत पोचविण्यात येणार आहे. शिक्षकांवर होणारा अन्याय दूर करून आमच्या मागण्या पूर्ण करून न्याय द्यावा, असे आवाहन पाटील यांनी केले आहे. 

या मागण्यांसाठी होतय आंदोलन :
- राज्यातील रखडलेल्या शिक्षक भरतीला विशेष परवानगी देऊन जागा भराव्यात.
- शिक्षण सेवक यांच्या मानधनात वाढ करुन २४,००० रूपये करावे
- ५० टक्के मागासवर्गीय पदभरतीमधील कपात रद्द करावी. 
- बी. एम. सी. मधील अपात्र ठरलेल्या उमेदवारांना न्याय देण्यात यावा. 

पुण्याच्या बातम्या वाचण्यासाठी येथे ► क्लिक करा

"शिक्षक भरतीच्या प्रतीक्षेत अनेक उमेदवार आहेत. मात्र राज्य सरकारने शिक्षक भरती प्रक्रियेला दिलेली स्थगिती उठविलेली नाही. तसेच राज्यातील हजारो शिक्षण सेवक गेल्या काही वर्षांपासून अत्यंत अल्पशा मानधनावर काम करत आहेत. त्याचे मानधन वाढवून मिळावे, या मागणीसाठी शुक्रवारी आम्ही राज्यव्यापी आंदोलन करणार आहोत. कोरोनाचा वाढता प्रादुर्भाव लक्षात घेता, घरात राहूनच प्रतिकात्मक स्वरूपात पदवी जाळून हे आंदोलन करण्यात येणार आहे."
- पूनम पाटील, पुणे जिल्हाध्यक्ष, डि.टी.एड,बी.एड स्टूडंट असोसिएशन
 

भाजीपाला-फळे विक्रेत्यासाठी मोठी बातमी; पुणे महापालिकेने घेतला 'हा' महत्वाचा निर्णय

Edited By : Sharayu Kakade