विश्रांतवाडी (पुणे) : कोरोनाच्या पार्श्वभूमीवर अग्रेसन हायस्कूलने 31 जुलै ते 7 ऑगस्टदरम्यान नियोजित केलेल्या परीक्षा मनसेच्या मागणीची दखल घेत रद्द केल्या.
नववीतील नापास विद्यार्थ्यांची फेरपरीक्षा शाळेत किंवा व्हिडिओ कॉन्फरन्सद्वारे घ्या, या राज्य सरकारच्या आदेशानुसार येरवडा येथील अग्रसेन शाळेने परीक्षा आयोजित केली होती. यासाठी काही पालकांनी काल मनसेच्या महिला सेनेच्या शहराध्यक्ष रूपाली पाटील व वरिष्ठ पदाधिकारी यांच्याकडे तक्रार केली. याची दखल घेत मनसेचे गणेश पाटील, महिला सेना विभाग अध्यक्षा वंदना साळवी, कुलदीप घोडके, सुनील कदम, वाहतूक शाखेचे शहराध्यक्ष किशोर चिंतामणी, महेश शिंदे, राम पाटील आदी पदाधिकारी व पालक प्रतिनिधी यांनी शाळा प्रशासनाशी मनसे स्टाईल चर्चा केली व नियोजित परीक्षा रद्द करा, अशी मागणी केली.
पुण्याच्या बातम्या वाचण्यासाठी येथे क्लिक करा
दरम्यान, या मागणीचा तत्काळ विचार करून शाळा प्रशासनाने मनसेचे प्रमुख राज ठाकरे व शहर पक्ष पदाधिकारी यांच्या नावे पत्र दिले. तसेच, परीक्षा रद्द करून ऑनलाइन परीक्षा घेऊ, असे लेखी आश्वासन दिले. यामुळे शाळेचे पालक यांनी मनसेचे आभार व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.