Pune assembly by election : पुणे विधानसभा पोटनिवडणूकीची रणधुमाळी सुरू झाली आहे. या निवडणूकीसाठी महाविकास आघाडी आणि भाजप दोन्हीकडून जोर लावला जात आहे. निवडणूकीत काँग्रेसचे उमेदवरा रविंद्र धंगेकर याच्या प्रचारार्थ कसबा पेठ मतदारसंघात काल प्रचार सभेचं आयोजन करण्यात आलं. या सभेत झालेल्या प्रकरारानंतर राष्ट्रवादीचे नेते अजित पवार यांनी थेट हातच जोडल्याचे पाहायला मिळाले.

नेमकं झालं काय?

वादग्रस्त विधानांमुळे चर्चेत राहिलेले भगतसिंह कोश्यारी यांचा राज्यपाल पदाचा राजीनामा मंजूर झाला. यानंतर महाराष्ट्रातील राजकीय वर्तुळात त्याचे पडसाद उमटल्याचे पाहायला मिळाले. याबद्दल अनेक राजकीय नेत्यांकडून आनंद व्यक्त करण्यात आला. राज्यात अनेक ठिकाणी महाविकास आघाडीच्या कार्यकर्त्यांनी जल्लोष देखील केला.

यानंतर पुण्यातील सभेत अजित पवार आणि नाना पटोले प्रचारासाठी एका मंचावर आले होते. यावेळी भगतसिंह कोश्यारी महाराष्ट्रातून जाणार याचा आनंद व्यक्त करण्यासाठी काळे फुगे आकाशात सोडण्याची योजना कार्यकर्त्यांनी आखली होती. अजित पवार यांच्या हस्ते हे फुगे हवेत सोडून निषेध नोंदविला जाणार होता.

काही कार्यकर्त्यांनी कोश्यारींचा काळ्या फुग्यांना बांधलेला फोटो व्यासपीठावर आणला. तसेच हे फुगे कार्यकर्त्यांनी अजित पवार यांच्या हातात द्यायचा प्रयत्न देखील केला. मात्र, अजित पवार यांनी हात जोडत कोश्यारींचा फोटो असलेला फुगे हातात घ्यायला नकार दिला.

मविआचे कार्यकर्ते आग्रह करत असूनही अजित पवार यांनी शेवटपर्यंत फुगा घेतला नाही. अजित पवार यांनी थेट हात जोडत याला नकार दिला. अखेर पोलिसांनी पुढे येत कार्यकरत्यांकडील फुगे ताब्यात घेतले.

वादग्रस्त वक्तव्यांमुळे चर्चेत असलेले महाराष्ट्राचे राज्यपाल भगतसिंह कोश्यारी यांचा राजीनामा केंद्र सरकारने रविवारी मंजूर केला.तसेच महाराष्ट्राच्या राज्यपालपदी रमेश बैस यांची नियुक्ती करण्यात आली आहे.