बेल्हे, ता. ३१ : आणे (ता. जुन्नर) येथे सरदार पटेल हायस्कूलच्या वतीने नुकतेच (ता. ३१) येथील नगर - कल्याण महामार्गावरील नांदूररोड चौक ते महान डोंगर (पेमदरा) दरम्यान ‘अजितदादा एकता दौड’चे आयोजन करण्यात आले होते. या उपक्रमामध्ये सहभागी होत विद्यार्थ्यांनी दिवंगत अजितदादा यांना श्रद्धांजली वाहिली.            
यावेळी विद्यार्थ्यांनी ‘अजितदादा अमर रहे’च्या घोषणा देत अजितदादा यांच्या कार्याविषयी आदरभाव व्यक्त केला. सरदार पटेल हायस्कूलचे मुख्याध्यापक धोंडिभाऊ शिंदे यांच्या मार्गदर्शनाखाली हा उपक्रम राबविण्यात आला. यावेळी अजितदादा पवार यांच्या कामाचा आवाका खूप मोठा होता. भल्या पहाटे कामाची सुरुवात करणारे अजितदादा आज आपल्यात नाहीत ही उणीव कधीच भरून न येणारी आहे असे मत उपस्थित शिक्षकांनी व्यक्त केले.