आळेफाटा, ता. १८ : आळे (ता. जुन्नर) येथे रविवार (ता. २४) पासून अखंड हरिनाम सप्ताहाचे आयोजन ज्ञानेश्‍वर महाराज देवस्थान ट्रस्ट, वद्य द्वादशीकर ग्रामस्थ मंडळ यांच्यावतीने करण्यात आले आहे.
पुरूषोत्तम महिन्यानिमित्त अखंड हरिनाम सप्ताह आणि ज्ञानेश्‍वरी पारायण सोहळ्याच्या निमित्ताने (ता. २४) पासून विविध कार्यक्रमांचे आयोजन केले आहे. यामध्ये दैनंदिन कार्यक्रमात काकडा, श्रींचा अभिषेक, महापूजा, ज्ञानेश्‍वरी पारायण, नेमाचे भजन, हरिपाठ तसेच दररोज सायंकाळी सात ते रात्री नऊ या वेळेत नामवंत कीर्तनकार सेवा बजावणार आहेत. तरी परिसरातील सर्व भक्तांनी या कार्यक्रमाचा लाभ घ्यावा अशी विनंती श्री ज्ञानेश्‍वर महाराज देवस्थान ट्रस्टचे अध्यक्ष अविनाश कुऱ्हाडे आणि व्यवस्थापक कान्हू कुऱ्हाडे यांनी दिली.