आळंदी : इंद्रायणी नदीवरील स्कायवॉकवर येणाऱ्या-जाणाऱ्या नागरिकांना अडथळा निर्माण होईल असे अश्लील वर्तन केल्याप्रकरणी एका ५० वर्षीय महिलेवर आळंदी पोलिसांनी गुन्हा दाखल केला आहे. गुरुवारी (ता. २०) सायंकाळी चारच्या सुमारास ही कारवाई करण्यात आली. याबाबत पोलिस शिपाई सुषमा मोहिते यांनी फिर्याद दिली आहे. पोलिसांनी दिलेल्या माहितीनुसार, संबंधित महिला गुरुवारी सायंकाळी स्कायवॉक पुलावर लैंगिक हावभाव करून सार्वजनिक शिष्टाचाराचा भंग करत असल्याचे पोलिसांच्या निदर्शनास आले. यावरून महिला पोलिसांनी तिला ताब्यात घेऊन गुन्हा नोंदवला आहे. पुढील तपास आळंदी पोलिस करत आहेत.