पुणे : मुठा खोऱ्यातील खडकवासला प्रकल्पाच्या पाणलोट क्षेत्रात यंदा गतवर्षीच्या तुलनेत पाऊस कमी झाला आहे. मात्र, प्रकल्पातील चारही धरणांमध्ये जवळपास गतवर्षी इतका पाणीसाठा उपलब्ध आहे. खडकवासला प्रकल्पात गतवर्षी 28.88 टीएमसी (99 टक्के) पाणीसाठा होता. यंदा तो 28.68 टीएमसी (98.37 टक्के) इतका आहे.

तंत्रज्ञानाच्या युगात यशस्वी व्हायचे असल्यास स्वतःला सिद्ध करा - अच्युत गोडबोले 

खडकवासला प्रकल्पातील टेमघर धरणाच्या पाणलोट क्षेत्रात गतवर्षी 26 ऑगस्टपर्यंत 4 हजार 171 मिलिमीटर पाऊस झाला होता.  यंदा 2 हजार 494 मिलिमीटर पाऊस झाला आहे. वरसगाव धरणाच्या पाणलोट क्षेत्रात गतवर्षी 2 हजार 912 मिलिमीटर पाऊस झाला. यावर्षी 1 हजार 789 मिमी पाऊस झाला. पानशेत धरणाच्या पाणलोट क्षेत्रात गतवर्षी 2 हजार 936 मिमी तर, यावर्षी 1 हजार 868 मिमी पावसाची नोंद झाली. तसेच, खडकवासला धरणाच्या पाणलोट क्षेत्रात गतवर्षी 992 मिलिमीटर तर, यंदा 641 मिमी पाऊस झाला आहे.

- पुण्याच्या बातम्या वाचण्यासाठी येथे ► क्लिक करा

वरसगाव, पानशेत आणि खडकवासला ही तीन धरणे पूर्ण क्षमतेने भरली आहे‌त. टेमघर धरण 91.55 टक्के भरले आहे. टेमघर धरणाच्या दुरुस्तीचे काम सुरू आहे. तरी धरण पूर्ण क्षमतेने भरण्यात येणार आहे. खडकवासला धरणातून बुधवारी सकाळी मुठा उजव्या कालव्यात एक हजार क्‍युसेकने तर सांडव्यातून 428 क्‍युसेकने विसर्ग सुरू आहे. पानशेत धरणातून 500 क्‍युसेकने विसर्ग सुरू असल्याची माहिती पाटबंधारे विभागाचे कार्यकारी अभियंता विजय पाटील यांनी दिली.

- ताज्या बातम्यांसाठी डाऊनलोड करा ई-सकाळचे ऍप

भाटघर, नीरा देवघर, मुळशी, वीर, कळमोडी, आंद्रा, नाझरे आणि गुंजवणी ही धरणे पूर्ण भरली आहेत. डिंभे, चासकमान, कासारसाई ही धरणे जवळपास भरण्याच्या मार्गावर आहेत. तर पिंपळगांव, माणिकडोह आणि विसापूर या धरणात अजूनही केवळ 30 ते 35 टक्‍क्‍यांच्या जवळपास पाणीसाठा आहे. उजनी धरणात सुमारे 47.15 टीएमसी (88 टक्के) पाणीसाठा झाला आहे.
गेल्या बारा तासांत सकाळी आठ वाजेपर्यंत टेमघर धरणाच्या पाणलोट क्षेत्रात 13 मिलिमीटर, वरसगाव 5, पानशेत 2 आणि खडकवासला धरणाच्या पाणलोट क्षेत्रात एक मिलिमीटर पावसाची नोंद झाली. 

खडकवासला प्रकल्पातील पाणीसाठा टीएमसीमध्ये, कंसात टक्केवारी : 
टेमघर 3.23   (91.55)
वरसगाव 12.82   (100)
पानशेत 10.65     (100)
खडकवासला 1.97  (100)

इतर धरणांतील पाणीसाठा
भामा-आसखेड 6.42     (83.79)
पवना 7.76     (91.20)
मुळशी 18.46   (100)
भाटघर 23.50     (100)
नीरा देवघर 11.73    (100)
वीर 9.41    (100)
उजनी 47.15    (88)