मुंबई : राज्य सरकारने तयार केलेल्या थोर महापुरुषांच्या यादीत छत्रपती संभाजी महाराज यांचा उल्लेख नाही, याकडे राष्ट्रवादी काँग्रेसचे खासदार डॉ. अमोल कोल्हे यांनी लक्ष वेधले आहे. यामध्ये लक्ष घालून तात्काळ सुधारणा करण्याची विनंतीही अमोल कोल्हे यांनी केली आहे.
“महाराष्ट्राच्या ज्वलंत इतिहासात छत्रपती संभाजी महाराजांचं योगदान न विसरण्याजोगं आहे. शासनाने थोर महापुरुषांची दिनविशेष यादी बनवली आहे. त्यात छत्रपती संभाजी राजेंच्या नावाचा उल्लेख नाही. विनंती आहे की त्वरित या बाबतीत लक्ष घालून शासनाने सुधारणा करावी” असं ट्वीट अमोल कोल्हे यांनी काल रात्री केलं होतं. यामध्ये त्यांनी राष्ट्रवादी आणि मुख्यमंत्री कार्यालय यांना मेन्शन केलं आहे.
डॉ. अमोल कोल्हे यांनी छोट्या पडद्यावर छत्रपती शिवाजी महाराज आणि छत्रपती संभाजी महाराज यांच्या भूमिका साकारल्या आहेत. छत्रपती संभाजी महाराजांचा नामोल्लेख महापुरुषांच्या दिनविशेष यादीत राहिल्याने ते अस्वस्थ झाल्याचं दिसतं.
ण्याच्या बातम्या वाचण्यासाठी येथे ► क्लिक करा
महाराष्ट्राच्या ज्वलंत इतिहासात छत्रपती संभाजी महाराजांचं योगदान न विसरण्याजोगं आहे. शासनाने थोर महापुरुषांची दिनविशेष यादी बनवली आहे त्यात छत्रपती संभाजी राजेंच्या नावाचा उल्लेख नाही. विनंती आहे की त्वरित या बाबतीत लक्ष घालून शासनाने सुधारणा करावी.
याआधी, फडणवीस सरकारच्या काळात राष्ट्रपुरुषांच्या यादीत स्वातंत्र्यवीर सावरकर यांचंच नाव नव्हतं. स्वातंत्र्यवीर सावरकर यांना ‘भारतरत्न’ प्रदान करुन यथोचित गौरव करण्याची मागणी करणाऱ्या भाजपाला स्वतःची सत्ता असताना मात्र विसर पडला होता. त्यावर, सावरकरांचं नाव चुकून राहिलं असेल, असं लंगडं समर्थन तत्कालीन मुख्यमंत्री देवेंद्र फडणवीस यांनी दिलं होतं. ‘राष्ट्रपुरुषांच्या यादीत स्वातंत्र्यवीर सावरकरांचं नाव असायलाच पाहिजे. ते चुकून राहिले असेल, तर या सरकारने ताबडतोब ही चूक दुरुस्त करावी, अशी प्रतिक्रिया देवेंद्र फडणवीस यांनी व्यक्त केली होती.
दरम्यान, छत्रपती संभाजी महाराजांच्या नावाचा उल्लेख महापुरुषांच्या यादीत नसल्यामुळे नाराज झालेल्या डॉ. अमोल कोल्हेंनी याकडे ट्वीट करत सरकाराचं लक्षं वेधलं आहे. छत्रपती संभाजी महाराजांचा नामोल्लेख महापुरुषांच्या दिनविशेष यादीत नसल्याने ते अस्वस्थ झाल्याचं दिसत आहे. राष्ट्रवादीचे खासदार डॉ. अमोल कोल्हे हे अभिनेते असून त्यांनी छोट्या पडद्यावर छत्रपती शिवाजी महाराज आणि छत्रपती संभाजी महाराज या दोन्ही महापुरुषांच्या भूमिका साकारल्या होत्या. अमोल कोल्हे यांच्या दोन्ही भूमिका प्रचंड गाजल्या होत्या. तसेच या दोन्ही भूमिका प्रक्षेकांनीही डोक्यावर घेतल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.