बारामती : शहरातील जुना कचेरीच्या आवारातील उपकारागृहातून पळून जाण्याच्या प्रयत्नात असलेला एक कैदी जखमी झाला त्याच्या गुडघ्याला फ्रॅक्चर झाले असून त्याला उपचार अर्थ दवाखान्यात दाखल करण्यात आल्याची माहिती पोलीस निरीक्षक संतोष घोळवे यांनी दिली.

भैरु भानुदास शिंदे (वय ४०, रा. खातगाव, ता. करमाळा, जि. सोलापूर) असे या आरोपीचे नाव आहे. सोमवारी (ता. 26) सकाळी ही घटना घडली. सन 2019 मध्ये झालेल्या एका खूनाच्या गुन्ह्यात शिंदे हा सध्या बारामतीच्या उपकारागृहात न्यायालयीन कोठडीत आहे. येथील कैदी येरवडा कारागृहात हलविले जात आहेत.

आपल्याला तेथे नेले जाईल अशी भिती त्याला होती. त्यातून त्याने हा प्रयत्न केल्याचे समजते. पोलिसांनी दिलेल्या माहितीनुसार भिंतीवरून उडी मारताना तो घाबरला होता मात्र तरीही त्यानी उडी मारली व त्यात तो जखमी झाला. शिंदे याच्यावर भादंवि कलम २२४, ३३७, ३३८ नुसार गुन्हा दाखल लेयाची माहिती संतोष घोळवे यांनी दिली.