इंदापूर (पुणे) : केंद्राने जाहीर केलेल्या नवीन निर्यात धोरणामुळे देशातील कारखाने जास्तीत जास्त साखर निर्यात करतील. त्यामुळे शेतकऱ्यांना जास्तीत जास्त भाव मिळेल, असा विश्वास कु.अंकिता हर्षवर्धन पाटील यांनी व्यक्त केला.

हे ही वाचा : उमेदवार भिती संधी कमी होण्याची शक्यता ; जाणून घ्या काय म्हणतायेत तज्ज्ञ 

ऑल इंडिया शुगर मिल असोसिएशनची 86 वी वार्षिक सर्वसाधारण सभा व्हिडिओ कॉन्फरन्स माध्यमातून केंदीय रेल्वे, अन्न व सार्वजनिक वितरण मंत्री पियुष गोयल यांच्या प्रमुख उपस्थितीमध्ये झाली. यावेळी इस्माच्या सर्वात तरुण सदस्या व कायदेशीर समितीच्या सह अध्यक्षा अंकिता पाटील यांनी साखर उद्योग व निर्यात धोरणाबद्दल आपले विचार व्यक्त केले.

हे ही वाचा : राज्याचे परिवहन मंत्री अनिल परब यांनी रिक्षा पंचायत व राज्य रिक्षा संघटना कृती समितीच्या शिष्टमंडळाला ग्वाही आज दिली.

यावेळी साखर कारखानदारी बाबतीतील अडचणींवर चर्चा झाली. तसेच केंद्र सरकारने ऊस उत्पादक शेतकऱ्यांच्या हितासाठी व साखर उद्योगासाठी  महत्त्वपूर्ण निर्णय घेतल्याबद्दल केंद्र सरकारचे आभार मानण्यात आले. यावेळी भविष्यात उद्भवणाऱ्या अडचणी व चालू गाळप हंगाम परिस्थिती बाबतशिफारस ऑल इंडिया शुगर मिल असोसिएशनच्या वतीने केंद्र सरकारला पाठविण्याबाबत चर्चा झाल्याचे अंकिता पाटील यांनी शेवटी सांगितले.