पुणे : 'अण्णा भाऊ साठे यांच्या साहित्यातून स्वाभिमानाने कसं जगायचं हा संदेश त्यांनी सामान्य जनतेला दिला. चले जाव आंदोलन, गोवा मुक्ती संग्राम आणि संयुक्त महाराष्ट्र चळवळ अशा तीन महत्वाच्या आंदोलनांत अण्णा भाऊंनी त्यांच्या साहित्यातून लोकांच्या भावना चेतवण्याचं काम केलं, "असे प्रतिपादन कुलगुरू डॉ. नितीन करमळकर यांनी केले.
लोकशाहीर अण्णा भाऊ साठे जन्मशताब्दी वर्ष पुरस्कार वितरण सोहळा पुणे विद्यापीठात शनिवारी (ता.१५) पार पडला. 'लोकशाहीर अण्णा भाऊ साठे पुरस्कार' शाहीर नंदेश उमप यांना डॉ. नितीन करमळकर यांच्या हस्ते तर, 'माता रमाई मातृशक्ती पुरस्कार' अण्णाभाऊ साठे यांच्या सूसूनबाई सावित्रीमाई साठे यांना प्र-कुलगुरू डॉ. एन. एस. उमराणी यांच्या हस्ते प्रदान करण्यात आला.
यावेळी कुलसचिव डॉ. प्रफुल्ल पवार, व्यवस्थापन परिषदेचे सदस्य मा. राजेश पांडे, अधिसभा सदस्य डॉ. धनंजय लोखंडे, पदमश्री विखे-पाटील अध्यासनाचे प्रमुख डॉ. मुकुंद तापकीर, डॉ. श्रीपाद ढेकणे, डॉ. विलास आढाव, डॉ. ज्ञानेश्वर कुंभार, राजेंद्र राजगे आदी मान्यवर उपस्थित होते.
डॉ. करमळकर म्हणाले, "समाजाचं एकत्रीकरण व्हावं यासाठी अण्णाभाऊ साठे यांनी साहित्यनिर्मिती केली. लोक चळवळ निर्माण करण्यासाठी त्यांनी साहित्य निर्माण केले आहे, त्यामुळे त्याची उंची वेगळी आहे. पुणे विद्यापीठात गेल्या पंधरा वर्षांपासून लोकशाहीर अण्णा भाऊ साठे आणि लोकमान्य टिळक यांच्या नावाने अध्यासन आहेत, याचा मला खूप अभिमान वाटतो."
सावित्रीमाई साठे म्हणाल्या, हा पुरस्कार म्हणजे माझ्यासाठी मोठी धन-दौलत आहे. लोकशाहीर अण्णा भाऊ साठे यांच्या कार्याचा वारसा आमचे कुटुंब इथून पुढेही कायम चालवत राहील.
शाहीर नंदेश उमप म्हणाले, गरिबांवर झालेल्या अन्यायावर मात करण्याचे कामी अण्णा भाऊ साठे यांच्या साहित्याने केले आहे, आणि म्हणूनच त्यांच्या नावाआधी स्वातंत्र्यसैनिक साहित्यरत्न साहित्य सम्राट हे विशेषण मला महत्वाचे वाटते.
कार्यक्रमाचे प्रास्ताविक लोकशाहीर अण्णा भाऊ साठे अध्यासनाचे प्रमुख डॉ. सुनील भंडगे यांनी केले. आभार कुलसचिव डॉ. प्रफुल्ल पवार यांनी मानले तर सूत्रसंचलन डॉ. प्रशांत साठे यांनी केले.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.