जुन्नर (पुणे) : जुन्नर तालुक्यात काल (ता. २०) अवघे तीनच पॉझिटिव्ह रुग्ण आढळल्याने थोडा दिलासा मिळाला असतानाच आज सकाळी जुन्नर शहरातील आणखी एका कोरोनाबाधिताच्या मृत्यू झाला. त्यामुळे नागरिक व प्रशासनाची चिंता वाढली आहे.
पुणे येथील खासगी रुग्णालयात उपचार घेत असलेले जुन्नर शहरातील तांदळाच्या व्यापाऱ्याचा आज सकाळी कोरोनामुळे मृत्यू झाला. खोकला व श्वसनास त्रास होत असल्याने त्यांना 17 जुलै रोजी पुणे येथील खासगी रुग्णालयात उपचारासाठी दाखल करण्यात आले होते. त्यांची कोरोना टेस्टचा अहवाल काल पॉझिटिव्ह आला होता. त्यांच्या मृत्यूने शहरातील कोरोना बळींची संख्या तीन, तर तालुक्यातील संख्या आठ झाली आहे.
जुन्नर तालुक्यातील एकूण रुग्णांची संख्या २८६ झाली आहे. यापैकी १५४ रुग्ण उपचार घेत असून १२४ रुग्ण बरे झाले आहेत, तर ८ जणांचा मृत्यू झाला आहे. शहरातील एकूण रुग्ण संख्या ३७ झाली आहे. त्यापैकी २९ जण उपचार घेत असून, ५ जण बरे झाले आहेत, तर तिघांचा मृत्यू झाला असल्याची माहिती मुख्याधिकारी मच्छिंद्र घोलप व आरोग्य विभाग प्रमुख प्रशांत खत्री यांनी दिली.
लेण्याद्री येथे कोविड केंद्रात काल कोरोनाबधितांच्या संपर्कात आलेल्या २९ जणांचे स्वॅब तपासणीसाठी पुणे येथील शासकीय प्रयोगशाळेत पाठविण्यात आले आहेत. शनिवार व रविवारी जमा करण्यात आलेल्या चाचण्यांचे अहवाल प्रलंबित आहेत. ते आज येण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.