सासवड (पुणे) : पुरंदर तालुका तहसील कार्यालयातील एक कर्मचाऱ्याचे काल कोरोनामुळे पुण्यात रुग्णालयात निधन झाले असतानाच आज दुसरा धक्का बसला. सासवड शहरातील मंडई भागातील एका ज्येष्ठ भेळवाल्याचा कोरोनामुळे मृत्यू झाला.
सासवड शहरातील हा भेळवाला पाॅझिटिव्ह निष्पन्न झाल्यानंतर घरातील व परिसरातील काहीजण पाॅझिटिव्ह आढळले होते. त्यातून परिसरात चिंताजनक वातावरण आहे. त्यात आज या भेळवाल्याचा कोरोनामुळे मृत्यू झाला. पुरंदर तालुक्यातील हा कोरोनाचा चौदावा बळी आहे.
दरम्यान, काल पुरंदर तालुका तहसील कार्यालयातील एक कर्मचारी कोरोनाने मृत्यू पावला. त्यांना परवा आजारामुळे पुण्यात रुग्णालयात दाखल झाला होता. काल त्यांचे निधन झाल्याची व ते कोरोना पाॅझिटिव्ह असल्याची माहिती मिळाल्याचे तहसीलदार रुपाली सरनौबत यांनी सांगितले. माहूर गावात कोरोना संशयिताचा मृत्यू झाल्याचे समजते. त्यावर शिक्कामोर्तब होणे बाकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.