मांडवगण फराटा (पुणे) : शिरूर तालुक्यातील बाभूळसर बुद्रुक येथे कोरोना विषाणूचा संसर्ग झालेला एक तरुण सापडला आहे.
हा कोरोनाबाधित तरुण कारेगाव औद्योगिक वसाहतीतील एका खासगी कंपनीत काम करीत आहे. तो बाभूळसर बुद्रुक येथून दररोज आपल्या कामाच्या ठिकाणी ये जा करीत होता. त्याचे अहवाल हे पॉझिटीव्ह आल्याने मांडवगण फराटा येथील प्राथमिक आरोग्य केंद्राच्या वैद्यकीय अधिकारी डॉ. मंजुषा सातपुते-इसवे यांनी त्यांच्या संपर्कात आलेल्या कुटुंबातील सदस्यांना होम क्वारंटाईन केले आहे. या तरुणावर लोणी काळभोर येथील विश्वराज हॉस्पिटलमध्ये उपचार सुरू आहेत.
याबाबत मांडवगण फराटा येथील प्राथमिक आरोग्य केंद्राच्या वैद्यकीय अधिकारी डॉ मंजुषा सातपुते यांनी सांगितले की, कोरोनाबाधित रुग्ण जरी सापडला असला, तरी नागरिकांनी घाबरून जाऊ नये. अफवा पसरू देऊ नका. तसेच, अफवांवर विश्वास ठेवू नका. नागरिकांनी गर्दीच्या ठिकाणी जाताना, तसेच घराबाहेर पडताना सोशल डिस्टंसिंग यांचा अवलंब करत मास्क, सॅनिटायझर यांचा वापर करावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.