बालेवाडी (पुणे) :"आली, आली गौराई, सोन्या रुप्याच्या पावलानं...या स्वागत गीतासह पारंपरिक पद्धतीने बाणेर, बालेवाडी परिसरात गौरीचे आगमन झाले. भाद्रपद महिन्यात येणाऱ्या गणपतीपाठोपाठ येणारे महत्त्वाचे व्रत म्हणजे गौरीपूजन. यावर्षी कोरोनाचे सावट असले तरी घराघरांतून मोठ्या भक्तिभावाने मंगलमय वातावरणात महिलांनी गौराईंचे स्वागत केले.
नोकरी करणाऱ्या सुवासिनींना एरवीही गौरींची सजावट किंवा वेगवेगळे पदार्थ करण्यासाठी सवड मिळत नाही, मात्र कोविडच्या पार्श्वभूमीवर अनेक कंपन्यांनी घरून काम करण्यास सांगितले असल्याने नोकरदार महिलांनाही यंदा काही प्रमाणात सजावट व पदार्थ बनविण्याची हौस करता आली, तर दुसरीकडे कोविडमुळे मोलकरणींना सुटी दिलेली असल्याने काही महिलांना मात्र कार्यालयीन कामासोबतच घरकाम करताना कसरत करावी लागत असल्यामुळे साधेपणाने गौरी-गणपतीचा उत्सव साजरा करावा लागत आहे.
- पुण्याच्या बातम्या वाचण्यासाठी येथे ► क्लिक करा
भाद्रपद महिन्यामध्ये शुद्ध पक्षात अनुराधा नक्षत्रावर महालक्ष्मी किंवा गौरीच्या प्रतिमा व प्रतिके बसवली जातात. काही घरांत उभ्या गौरी असतात, तर काही घरांमध्ये गौरी पाटावर बसविल्या जातात. गौरी बसविण्याच्या वेळी गौरींचे मुखवटे एका ताटामध्ये ठेवून तुळशीजवळ त्या मुखवट्यांची पूजा केली जाते व त्यानंतर घंटानाद करीत गौरी स्थानापन्न होतात. गौरींना दूर्वा, आघाडा, फुले, हळदी-कुंकू वाहिले जाते. गौरींची खणा-नारळाने ओटी भरली जाते. गौरींचे बाळ म्हणून काही घरातून बाळकृष्ण पूजन केले जाते. शेतकरी कुटुंबामध्ये गौरीसमोर धान्याच्या राशी ठेवल्या जातात. त्याचबरोबर वेगवेगळे फराळाचे पदार्थ, फळेही ठेवतात. गौरी या माहेरवाशिणी आहेत, असे मानून त्यांचे अत्यंत आपुलकीने स्वागत केले जाते. सायंकाळी त्यांना भाजी-भाकरीचा नैवेद्य असणार आहे, या कामाची लगबगही सुरू झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.