अशोक खरातचा
ताबा ‘ईडी’कडे

सकाळ वृत्तसेवा
नाशिक ता.१९ : भोंदू अशोक खरात याचा मंगळवारी (ता. १९) रोजी अंमलबजावणी संचालनालयाने (ईडी) ताबा घेतला. ‘ईडी’चे विशेष पथक व पोलिस बंदोबस्तामध्ये त्याला नाशिकहून मुंबईला रवाना करण्यात आले. मुंबईतील ‘ईडी’ न्यायालयात त्याला हजर करून कोठडीची मागणी करण्यात येणार आहे.
खरातवर विविध प्रकारचे १८ गुन्हे दाखल आहेत. अशा सर्व गुन्ह्यांमध्ये त्यास अटक करण्यात आले होते.विशेष तपास पथकाकडून (एसआयटी) त्याचा तपास सुरू आहे. या प्रकरणांत कोट्यवधी रुपयांचा आर्थिक व्यवहार झाला आहे. संशयित मालमत्ता, बेहिशेबी व्यवहार, बेकायदेशीर संपत्ती उभारणी आणि विविध गुंतवणुकींबाबत तपास सुरू आहे. खरातच्या नावावर, तसेच निकटवर्तीयांच्या नावे असलेल्या मालमत्तेच्या आर्थिक स्रोतांचा तपास करण्यासाठी ‘ईडी’च्या हालचालींना वेग आला आहे.