Deepak_Maratkar_Shivsena
Deepak_Maratkar_Shivsena 
पुणे

कांबळेने मित्राच्या मदतीने केला मारटकर याचा खून; चौघांची पोलिस कोठडीत रवानगी

वृत्तसंस्था

पुणे : युवा सेनेचे पदाधिकारी दीपक मारटकर याच्या खूनप्रकरणात अटक करण्यात आलेल्या अश्विनी कांबळे हिने तिच्या मित्राच्या मदतीने हा गुन्हा केल्याचे तपासात समोर आले आहे. या प्रकरणात तिचा मित्र प्रशांत कोलतेसह त्याचे साथीदार असलेल्या चौघांना फरासखाना पोलिसांनी अटक केली आहे. प्रथमवर्ग न्यायदंडाधिकारी आर. के. बाफना-भळगट यांनी सोमवारी (ता.५) चौघांना चार दिवसांची पोलिस कोठडी सुनावली.

प्रशांत उर्फ सनी प्रकाश कोलते (वय २५, रा. राजेश सोसायटी, कात्रज), राहुल श्रीनिवास रागीर (वय २२, रा. ३४३ घोरपडे पेठ), रोहित ऊर्फ बाळा कमलाकर कांबळे (वय २२, रा. पीएमसी कॉलनी, घोरपडे पेठ), रोहित दत्तात्रेय क्षीरसागर (वय २१, रा.१०२, गंज पेठ) अशी कोठडी झालेल्यांची नावे आहेत. गुन्हा करताना वापरण्यात आलेली वाहने आरोपींकडून जप्त करण्यात आली आहेत. संबंधित गुन्हा हा नियोजनबद्ध केला असल्याने याबाबतचा कट कोठे केला, कसा केला त्यामागे सूत्रधार कोण याचा तपास करायचा असल्याने सहायक सरकारी वकील सुरेखा क्षीरसागर यांनी त्यांच्या पोलिस कोठडीची मागणी केली. न्यायालयाने ती मान्य केली.

शुक्रवारी (दि.२) मध्यरात्री सव्वा एकच्या सुमारास बुधवार पेठेतील गवळी आळी समोरील रस्त्यावर घडलेल्या प्रकरणात तिघांना यापूर्वीच अटक करण्यात आली आहे. त्यांना मंगळवार (ता.६) पर्यंत पोलिस कोठडी सुनावली आहे. याप्रकरणी, राहुल भगवान आलमखाने (वय ४३, रा. बुधवार पेठ) यांनी फिर्याद दिली आहे. या गुन्ह्यात आतापर्यंत एकूण सात आरोपींना अटक करण्यात आली असून दोघांचा पोलिस शोध घेत आहे. 

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

सह्याद्रीचा माथा : नाशिकचा चक्रव्यूह कोण, कसा भेदणार? 

सोलापूरमध्ये रमेश कदमांची भूमिका ठरणार निर्णायक? २८ एप्रिलच्या मेळाव्याकडे जिल्ह्याचं लक्ष

US Green Card : देश सोडून भारतीय बाहेर का जात आहेत?

Horoscope : साप्ताहिक राशिभविष्य - धागा श्रद्धेचा जपावा लागणार!

दृष्टिकोन : राजेशाही, हुकूमशाही अन् लोकशाही

SCROLL FOR NEXT