ॲट्रॉसिटी गुन्ह्यातून नवत्रे,
पाटील यांचे नाव वगळले

मंगळवेढा, ता. २० : तालुक्यातील महमदाबाद (शे) येथे ग्रामपंचायतीच्या जागेवरील अतिक्रमण काढण्यावरून शेतात येऊन पोल रोवत जातिवाचक शिवीगाळ केल्याप्रकरणी मंगळवेढा पोलिसात ४ सप्टेंबर २०२१ रोजी आठ जणांविरुद्ध फिर्याद दिली. या प्रकरणात पत्रकार दत्तात्रय नवत्रे व ग्रामसेवक बी. एस. पाटील हे घटनास्थळी उपस्थित नसल्याने सबळ पुराव्या अभावी त्यांचे नाव गुन्ह्यातून वगळण्यात आले. तत्कालीन उपविभागीय पोलीस अधिकारी राजश्री पाटील यांनी करून दोषारोप पत्र न्यायालयामध्ये सादर केले. आरोपीं तर्फे ॲड पांडुरंग चवरे यांनी काम पाहिले. या ॲट्रॉसिटी प्रकरणांमध्ये सर्व आरोपींना अटक करण्यात आली. सदरच्या तक्रारीमध्ये खोटेपणाने नावे गोवण्यात आली असल्याचे पोलिसांच्या निदर्शनास आणून दिले होते. तपासानंतर प्रत्यक्ष सहभाग दिसून न आल्याने सदर दोघांची नावे वगळण्यात आली.