पिंपरी (पुणे) - काँग्रेसचे माजी नगरसेवक गणेश लोंढे यांच्यावर खुनी हल्ला झाला. ही घटना तानाजीनगर, चिंचवड येथे गुरुवारी (ता.4) रात्री घडली. 

गणेश घोलप, आकाश घोलप (रा. तानाजीनगर, चिंचवड) आणि सुमीत लव्हे (रा. काळेवाडी) अशी खुनी हल्ल्याचा गुन्हा दाखल झालेल्या आरोपींची नावे आहेत. गणेश नारायण लोंढे (वय 44, रा. स्वामी समर्थ नगर, लिंकरोड, चिंचवड) यांनी चिंचवड पोलिस ठाण्यात फिर्याद दिली आहे. 

गुरुवारी रात्री साडेनऊ वाजताच्या सुमारास लोंढे हे चिंचवडच्या काकडे पार्क परिसरातून आपल्या घरी चालले होते. त्यावेळी आरोपींनी शिवाजी उदय मंडळाजवळ यांची मोटार अडवत त्यांच्यावर हल्ला केला. जखमी लोंढे यांच्यावर थेरगाव येथील खासगी रुग्णालयात उपचार सुरू आहेत. लोंढे याचा आज (ता.5) वाढदिवस आहे.