पिंपरी (पुणे) : अंगावर फॉर्च्युनर गाडी घालून भाजप नगरसेविकेला जीवे मारण्याचा प्रयत्न केला. तसेच नगरसेविकेचा विनयभंगही केला. ही घटना शुक्रवारी दुपारी निगडीतील भक्तीशक्ती चौक येथे घडली.
फॉर्च्युनर गाडी एमएच-14-जीएस-909 वरील चालक आणि अशोक काळे (वय 57, रा. ऐश्वर्या बंगला, कृष्णानगर, चिंचवड) अशी गुन्हा दाखल झालेल्या आरोपींची नावे आहेत. याबाबत 47 वर्षीय नगरसेविकेने निगडी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, सदर नगरसेविका आणि त्यांचे पती आपल्या मुलीला भेटण्यासाठी प्राधिकरणात गेले होते. शुक्रवारी दुपारी दीड वाजताच्या सुमारास ते भक्तिशक्ती चौक येथून जात असताना आरोपींनी फॉर्च्युनर गाडी नगरसेविकेच्या मोटारीला आडवी लावली. त्यानंतर आरोपी मोटारचालक याने महिला नगरसेविकेचा विनयभंग केला. 'तुने मेरे मालिक के खिलाफ क्यों पोलिस मे तक्रार किया' असे म्हणून नगरसेविकेच्या कानाखाली मारली. तर मोटारीत बसलेल्या आरोपी काळे याने 'गाडी डाल उसके ऊपर' असे म्हणत आरोपी चालकाने आपल्या ताब्यातील गाडी नगरसेविकेच्या अंगावर घालून त्यांना जीवे मारण्याचा प्रयत्न केला. आरोपी काळे याने गाडीत बसून अश्लिल हातवारे करीत विनयभंग केला. पोलिस उपनिरीक्षक एस. एस. घाडगे याबाबत अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.