पुणे : चारित्र्यावर संशय घेत पतीने महिला पोलिस कर्मचाऱ्याचा गळा दाबून खून करण्याचा प्रयत्न केला. ही घटना शनिवारी (ता. २७) पहाटे विश्रांतवाडी परिसरात घडली. या प्रकरणी येरवडा पोलिसांनी पतीला अटक केली आहे.
हर्षद विकास पानसरे (वय ३६, रा. विश्रांतवाडी पोलिस वसाहत) असे अटक केलेल्या संशयिताचे नाव आहे. या प्रकरणी महिला पोलिस कर्मचारी रोहिणी श्यामराव भोकसे- पानसरे (वय ३२) यांनी येरवडा पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, रोहिणी भोकसे पुणे शहर पोलिस दलात पोलिस कर्मचारी आहेत. त्यांचा पती हर्षद हा रोहिणी यांच्या चारित्र्यावर संशय घेऊन त्यांना शिवीगाळ करीत होता. हर्षद आणि रोहिणी यांच्यात पुन्हा शनिवारी वाद झाला. त्यावेळी पतीने रोहिणी यांचा गळा आणि तोंड दाबून जीवे मारण्याचा प्रयत्न केला.
तसेच, मारहाण करून सोशल मीडियावर बदनामीकारक संदेश पाठविण्याची धमकी दिली. पुढील तपास वरिष्ठ पोलिस निरीक्षक रवींद्रकुमार शेळके करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.